🍃⚘🍃رواية عيون النار🍃⚘🍃
⚘الحلقة -٢١-⚘
⚘"الكاتبة: فاطمة علي"⚘
..🍃رأيكم🍃..
يابا شحياكم 🤎....
......................................
سكينة : كعدت مفزوعه كمزت من الجرباية ، دخت وردت اوكع عيوني غوشن كعدت بالكاع ، اتنفس على السريع ، حسيت واحد لزمني ، نزيت منه وخرررررررر مني ، كمت و دايخه ، تسندت على الحايط ، فتحت الباب وطلعت من الغرفه ...
.... بيت جبير ، باوعت منا وما وهذا وراي ، اريد بس اعرف اني وين ...
....( بس اوكفي خل احجي وياج ، شبيج تخبلتي )...
سكينة : وخــــــر منـــــــي ، لك انيييي متـــــــزوجة ، شجـــــابنــــــي هــــنـــا ...
....( انتي اجيتي شنو شجابني ، انتن تلعبن وتاخذن الفلوس ، وتصيحن شجابني هنا ) ....
سكينة : باوعت النفسي ، بثوب نوم ، رجعت للغرفه ادور على شي اللبسه ، تخبلت وابجي تهسترت ، اني شسويت ، اني شلون اجيت هنا ، كمت اشيل بالغراض واشمر بيهن واعيط بكل صوتي ، حسيت قلبي راح يوكف من البجي ...
... هذا يلزم بيه واني اوخر بي مني ، وخرررر منييي ، اني مـــــــوهــيج والله موووو هيج واملخ بشعري واللطم على وجهي ، كعدت بالكاع وابجي ، والله مو هيج ....
.... دخلو ثنين عليه ، وسحبوني حيل من ايدي ، كمت اكمز بين ايدهم عــــوفـــــونــــــــي ، علــــــي ويــــنـــــك ، اااااااااا ، شالوني واني ادفر بيهم ذبوني بالسيارة ، وطلعوا بيه ، مااعرف وين موديني انتهيت من البجي باوعت للسما معقولة بعد مترجعلي ، علي اني اسفه ....
.... باوعت من الشباك اني وين ، هاي المناطق اول مرة اشوفهن ، وصلنا منطقه بيها شقق ، نزلوني واني لافه الروب حيل عليه وشعري مكفوش ....
.... وصلنا للطابق الرابع ، دكو الباب طلعت وحده من البنات الي وياي ، دخلوني للشقه ، اجت نادية بوجهي ...
نادية : عزا بعينج هاي شبيج منو مات ...
سكينة : تفـــــــو عليج ياجلببه كله منج ، وجلبت بشعرها وكمت اخرمش بيها بوجهه وكطعت شعرها تكطع مدري منين اجتني هاي القوة بحيث يجروني منها واني حيل مجلبه بيها ....
.... مااحس الا واحد خنگني حيل وجرني من فوگاها وربطني بثنين اديه ، عـــــــوفـــــونــــي ، خلـــــونـــــي امـــــــوتـــــهــا ....
.... دارني عليه وضربني راجدي ورجع جرني من شعري حيل وجابني بالثاني ، وكعت على وجهي ، كمت ابجي بكل حرگه ، وادگ بالكاع ، عــــــوفنــــي ، رجعـــــــوني منـــين مـــااخذتــــوني من بيتي ، جيبـــو ابــــني اريــــد ابــــني ....
اريج: شبيج تخبــــلتي ، شبــيها ، نادية هاي شبي وجهج ...
نادية : ها الس*** فلشت وجهي ، همجيه ، ماريدها بعد عندي اخذيها ، بيعيها الغيري ...
أنت تقرأ
عيون النار داعش
Misterio / Suspenso#قصة حب و رعب وحرب و تضحية ماردين & سكينة&اسيل&ملاك&منسا&خديجة&حنين&ورود متابعه ممتعه .... الكاتبة:- فاطمة علي⚘🌷⚘
