عيون النار داعش

البارت الرابع والثلاثون

🍃⚘🍃رواية عيون النار🍃⚘🍃
دا١عش
⚘الحلقة -٣٤-⚘

⚘"الكاتبة: فاطمة علي"⚘
..🍃رأيكم🍃..

اجيت بكل حطب روحي
و لا تنور من جرحك
اجيتك والعرِف و المو عرِف يضحك....
.................................

ماجد : كاعد بالبلكونه ادخن ، ويا كل سحبت نفس احس قلبي يأذيني  ، صارت عيني على الحجرا ، وكنو ماردين تفتر بيها ، ولك اول تالي هلكد تحبها شسوت بيك هل بنية ...

.... عفويتها ، وطريقة كلامها ، وضحكتها ، من تضحك جنت اصفن بملامحها شلون عيونها تروح جوه خدودها ، حركاتها هــــف ، خل تخلص هل مشكله واردها مابيها مجال بعد اي مجال مابيها ...

💥ليلي اشوف السمه
واتخيل عيونك
مافكرت ليله ولو
بـ العيشه من دونك 
مو فارس احلامک نعم
بس انت كل احلامي
والدنيا ظلمه بغيبتک
ياگمرة ايامي ....

.... خشعت صوت اهلي يندهولي ، نزلت الهم ، ها شصاير ....
باقر : العالم والشيوخ بالبيت وانت كاعد فوك ...

ماجد : شتريد اسوي ، فوگ ضيمي لازم اتحمل هل سالفه ، كتلكم اتعده على حرمتي وانه ماسكتت ...

سيد هاشم : حدر لهين ، خلينا نسولف ...
ماجد : وكفت فوك راسو ، سولف يابا ...

سيد هاشم : انت مكسر الولد ، مفلشو ، وتريد اهلو يسكتون ...
ماجد : شسوي يعني كلي شنو الحل وانه هسه اسوي ، تريد اروح اعتذرلو ...

سيد هاشم : ماكلت تعتذرلو ، بس الكعده باجر ولازم انت موجود ...

ماجد : انه باجر بالمهجوم المحكمه العسكرية من السته الصبح ، لان المحاميين رافعين دعوة علينا ، وصلت القضية للقادة الكبار  ....

العلوية : يمه وليدي صدك تحجي ...
باقر : بس لا يسجنوك ...

ماجد : شمدريني ، دخل اخوي مصطفى هو وجهالو وحرمتو ، رحت سلمت عليّ ، بعد وكت خوية ماتكول هذا اخوي صارلو سنه ونص ماداحك وجهو اجي اشوفو اطمن عليه .
...

مصطفى : تدري شغلي بغير محافظه ، ودوامي مخربط اعذرني خوية انه مقصر وياك والله ، هلا بيك يا بطل رفعة راسنه انت ...

ماجد : تسلم ، شلونكم حبايبي ، نزلت وابوس بالجهال والاعبهم ، دحكتني امي وهي تسولف ...

العلوية : سودة بوجهي لاتهنيت بمرة ولا شبعت من وليدك ...
سيد هاشم : انه مو كتلج دوريلو حرمه ...

العلوية : والله بنات العالم هواي ، هو بس خل يكول اي ...
ماجد : لا يمه دخيلج اجليلي هل موضوع ....

سيد هاشم : عليش تأجلو ، انت كبرت وبعدك ماعندك ضنه ، تزوجت بعمر جبير ، وخلفت بس ماتهنيت بوليدك ، ولا حرمتك ....

ماجد : يابا اني بعد فاتني القطار مو مال زواج ، روحي مخليها بجف ايدي وامشي ، اروح انوب ارمل بنات العالم ....