🍃⚘🍃رواية عيون النار🍃⚘🍃
د
اعش
⚘الحلقة -٢٢-⚘
⚘"الكاتبة: فاطمة علي"⚘
..🍃رأيكم🍃..
ضايعين
لا فرح يندل دربنا
ولا حزن فك ياخه عنه ....💔
.....................................
ماردين : غمضت عيني ، انفاسو احس بيهن قريب وجهي ، خلا ايدو ورا راسي واتگرب لشفايفي ، جسمي كلو كام يتراجف ، فجأه ابتعد وكام مني ....
... ضليت مدنگه سحب غترتو ، دحكت بي ، كام سحب سلاحو وطلع من البيت ، اخذت نفس قوي ،
قلبي يرعش ، وايدي وجسمي كلو يرجف ...
مجاهد : ولك شجرالك ، لعنت الله عليك ياشيطان ،
شني ياماجد تالي عمرك تراهق ، ولك اتذكر انت المن جاي لهين ، وليدك وثارك تاخذهن ، وترد لديرتك ....
.... اخذت نفس ، انه شلون سمحت الروحي تدنه نفسي عليها ، استغفر الله ، ضليت كاعد باب البيت ، مااتحرك منو ، اذن الفجر وخجلان ادخل البيت ودحك بوجها ، وكفت بس حتى ادخل اصلي ...
.... دخلت للبيت ، دحكتها نايمه بحجرتها ، كضبت قلبي ، اخذت نفس ورحت توضيت وصليت ...
ماردين : كمت ماادحك وجه مجاهد بالبيت اكثر وقتو لو برا البيت ، لو بالباب يضل كاعد ، مايدخل للبيت بس وكت الصلا يصلي ومناك يرد يطلع ....
.... تعلقت بي اكثر ، كمت اضوج اذا ماادحك وجهو ،
ليش يعاملني هيج انه ماسويت شي غلط هو الي باسني ، كضبت جهة قلبي ، كعدت بالكاع ، حدر فراشو ، وكمت ابجي ...
.... ايام هو يبات برا مايدخل للبيت ، يضل كاعد برا البيت مايدخل ابد ، جتمعوا بينا وزعو النه ملابس شتوية لان بده الجو يبرد ، وبرد الموصل يكص كص ثلج ....
..... بيوم نص الليل الجو بارد حيل ثلج ، دحكت من الشباك كاعد ومتلحف بالبطانية ، ومشغل نار كدامو ....
.... خفت اطلعلو ، يحجي عليه ، ضليت كاعده وادحك بي ، غفيت هيج دقايق و فزيت دحكت ماهو ، دحكت داير مدايري ماداخل للبيت ، لبست ملابسي وطلعت وينو ،وين راح ...
... طلعت اتمشى ، هذوله نايمين ومشغلين نار كدامهم ،
دحكت مجاهد ماهو ، وين راح ، ضليت اتمشى اتجاه البيوت بلكي ادحكو ، افتر راسي انه وين مادري ...
.... شلون ارد للبيت وانه هسه بيا فرع ، انه شطلعني هل ليل ، ياربي ساعدني ارد للبيت ، رجعت بلطريق الاجيت منو ، دحكت هذا مو نفس الطريق ، هذاك الطريق جان بي بيوت كبار وحرس هواي ، رديت مشيت ....
.... فجأه خشعت صوت وحده تصرخ ، تمشيت بين البيوت ، والصوت كل ماجالو يقرب ، دحكت هل صوت يطلع من هل بيت ، بس البيت شبه ظلمه ومفلش ، درت وجهي دحكت وراي محد ماكو ...
أنت تقرأ
عيون النار داعش
Mistério / Suspense#قصة حب و رعب وحرب و تضحية ماردين & سكينة&اسيل&ملاك&منسا&خديجة&حنين&ورود متابعه ممتعه .... الكاتبة:- فاطمة علي⚘🌷⚘
