عيون النار داعش

البارت السادس والعشرين

🍃⚘🍃قصة عيون النار🍃⚘🍃
⚘الحلقة -٢٦-⚘

⚘"الكاتبة: فاطمة علي"⚘
..🍃رأيكم🍃..

قبل لا ابدي البارت
احب تعيشون جو الرواية
مثل مااني اعيشه
اكو موسيقى اسمها
للعازف مارك الياهو
اني كل رواية
عندي عازف خاص بيها
هل مرة هذا العازف احتل
البارتات من اكتبهن
ياخذني العالم ابطالي
بحيث عبالك كاعده بينهم
واسولف الكم
.....نبدي البارت .....

......................
مشوك بدرب ما مات جدمك بيه
وحتى اتضيع كلش شدو اعيونك
وغشو عينك وايدك مزنجلة ومجتوف
تهد هدة اسد لو ناس ينخونك
لـــ سـمــيـر صــبـيـح ....🥀

ماردين : قلبي ياربي مثل النار على مجاهد ، مر اليوم وهو ماهو ، افتح الباب ادحكهم هوسه ،
اي غير يجي يطمني عليه ....

علي : باوعت عليها ، هي باوعتلي ورافعه حاجبها ،
بس خل نوصل الا هذا حاجبج ازينه ....

... وصلنا للفندق ، هي ولا كأنو ، اخذتها للغرفة ،
كعدت كدامي وخلت رجل على رجل ،
باعي سؤال واحد اذا مجاوبتيني عليه ، اندمج على الساعه الي فكرتي تأذيني بيها ، ولو هو بالحالتي راح أأذيج ...

اريج : تفضل احجي ...
علي : سكينه وين ، وابني وين ...؟

اريج : مادري ...
علي : ههههههه، عادل سمعت متدري ، رحت عليها وكفت فوك راسها ، ودنكت عليها ، سكينه وابني وين .؟

اريج : واني كتلك مادري ...
علي : درت وجهي على عادل ، وعضيت على لساني ، ونداريت عليه جبتها براجدي ، بحيث انشمرت من الجرباية وعط بيها ، ســــــكيـــنه وابـــنـــي ويــــن ، رجعت ودفتها على بطنها بكل قوه ، رفعتها من شعرها، لج اليوم انهي حياتج هنا ، حتى اذا معرفت همه ويـــــن....

اريج : تحلم اكولك همه وين ....
علي : رجعت عليها وجبتها بوكسي فلشت حلكها ،
رفعتها من شعرها وخنكتها ، كتلج اليوم انهي حياتج مصدكتي ...

عادل : علي عوفها خل تولي لا توصخ ايدك بدمها ، باوعت صارت زرگه بين ايده ، فكيت ايده بالكوه وكعت هي على وجهه ...

علي : عادل اذا بعد وكفت بوجهي احطك واكتلك فوكها ، وخر من وجهي ...
عادل : عيونه حمر وعصبي مورث ، رحت عليها وجرها من شعرها...

علي : وحق هو ابو راس الحار اليوم الا اكرمج وهذا شعرج الا ازينه صفر واسوي بيج سوايات لاصارت ولا دارت ، كامت تعيط بعلو صوتها ...

اريج : يـــا نـــاس يـــاعـــلــم ســـاعـــدونــــي ....
علي : والله لو تعيطين منا الباجر ، وتلمين امة محمد همين ماعوفج ، بس الله يفكج من ايدي اليوم ...