عيون النار داعش

البارت الحادي عشر

🍃⚘🍃رواية عيون النار🍃⚘🍃
⚘الحلقة -١١-⚘

⚘"الكاتبة: فاطمة علي"⚘
..🍃رأيكم🍃..

مابيه گلب للشوگ مابيـه
احن واتلهف واشتاگ مابيـه

ولا بيـه
اصافح من جديد أچفوف
باعـت واشترت بيـه

ولا بيه
ارد اردود اخاوي اوجوه
ما بلل گصصها المستحه شويه

...............................

سكينة : ضليت افور منو هاي ودزلي هيج ،
اجه علي من دوامه ، استقبلته ، باوع بعيوني ...

علي : شبي حبيبي اليوم ضايجه ...
سكينة : لا مابية شي ...
علي : لا بيج شي مبينه وجهج مخطوف لونه ...

سكينة : اهوو مو دا اكولك مابيه شي ..
علي : اويلي يابا على الدا اكولك ، شكد حلوة الدا ....

سكينة : هههههه ،  اكيد جوعان يله بدل بينما اجهز الاكل ...
علي : ماشي حبيبتي ...

سكينة : مردت اكوله لان الرقم اصلا حظرني وكلت يمكن غلطانين بالرقم ، حظرت الفطور فطرنا وهو يسولفلي عن الحرب وشلون صعبه ...

علي : جنه صايمين ونلتحق ، مجنت اقبل افطر لان اريد ينحسب اجر اليه ، اعرف هل شي غلط وعادي افطر بس مااكدر ....

... التحقت وبعدنا بالكرمه ، يوم ٢٦ شهر رمضان ٢٠١٤ ، الطلق مستمر والقذايف وصوت الصواريخ من تنزل بالكاع ترجها رج عبالك زلزال تسوي بيها ...

معتز : دخلنا الكرمه وجانت حيل صعبة ناخذها ، كلنا كاعدين قبل السحور بشوية ، اصدقائنا كلهم داير مدايرنا وشيخ طه يسولف النه عن فضل السيد فاطمة الزهراء عليها السلام ...

طه : ان السيد الزهراء عليها السلام هي افضل نساء العالمين ، قال النبي محمد صلى الله عليه وآله ، ان مريم بنت عمران ، واسية زوجة فرعون وخديجه بنت خويلد سيدات اقومهن ، الا ابنتي فاطمة فهي افضلهن وهي سيدة نساء اهل العالمين في الارض والسماء والاولين والاخرين  ...

الكل : اللهم صل على محمد وال محمد ....

طه : يعني هي سيدة الاقوام الي انخلقو قبلنا بالالف السنين ، والي راح ينخلقون من جديد ، وهي سيدة نساء اهل الجنه ، الله سبحانه وضع سره في هذا السيدة العظيمه ...

.... السيدة فاطمة الزهراء عليها السلام هي حوراء انسية ، يعني كـ لملاك وليست بملاك كـ البشر وليست بشر ، بقول النبي ادم عليه السلام ...

.... قلت لحواء : ياحواء ماخلق الله خلقًا هوأحسن منا ، فأوحى الله تعالى إلى جبرائيل
أتي بعبدي الفردوس الأعلى ، فعرج بهما الى الفردوس الاعلى ...