عيون النار داعش

البارت ٦٥

🍃⚘🍃رواية عيون النار🍃⚘🍃
داعش
⚘الحلقة -٦٥-⚘

⚘"الكاتبة: فاطمة علي"⚘
..🍃رأيكم+لايك🍃..

"يا محيي" الهرش بــ اول نثاثة گيض
اثني بفيض زخّه
وفيض ودّ وشوف
حتى انثر حياتي ڰوام
چيل ابچيل
.............
عريان السيد خلف

.
.
.
.

سكينة : ندك الباب ، علي راح اتجاه البدله طلعها للحولي خلاها ، رحت اني فتحت السحاب مالتها ،
دخلت امنه ، اجت گبل حضنتني .....

امنه : مو كتلج يحبج ....
سكينة : يحبني ، اي ، صح ....
امنه : يله اللبسي البدلة وخل الشيخ يعقد الكم ....
سكينة : تعالي ساعديني ، لبست البدلة ، لميت شعري ولبست الشال الابيض ، ولفيته لفه تركية ، جانت البدلة ردان مال محجبات ....

..... دخلت للاستقبال ، سلمت على شيخ طه وكعدت على القنفه ، كعد علي بصفي ، باوعتله بعيون مدمعات جان حيل فرحان .....

شيخ طه : نبدي بالتوكل على الله سبحانه وتعالى ، والصلاة على نبينا محمد وال الطيبين الطاهرين....
اللهم صل على محمد وال محمد....

سكينة : بده الشيخ يعقد ، واني منزله راسي كأنو صدوك اول مرة اعقد ، لزم ايدي علي ، والشيخ يلقن بينا بالعقد ، كمل العقل وبارك النه ....

شيخ طه : الف مبروك حبيبي ...
علي : الله يبارك بيك شيخنا ....

امنه : يله لعد احنه نترخص ، والجهال راح ناخذهم ويانه ....
سكينة : لا خليهم ...
امنه : همست الها ، معليج اسكتي ....

شيخ طه : يله ام عقيل ، جيبي عبوسي ورضاوي وخل نتوكل ....

سكينة : اخذو الجهال وراحو ، ندار عليه علي وحضني حيل ....
علي : اتمنى الله يقدرني حتى اسعدج بعد اكثر ، واسف خاف ضغطت عليج ...

سكينة : ممكن سؤال ؟
علي : ليش هل دموع ...
سكينة : ممكن اسألك سؤال ؟
علي : اي حبيبتي اسألي بس بدون بجي كافي بعد امسحي دموعج خلص ....

سكينة : اذا بيوم ، اذيتك لو سويتلك شي مو زين ، او افترقنا ، راح تبقى تحبني ؟
علي : ليش هل سؤال ؟

سكينة : جاوبني بصراحه ....
علي : مستحيل هم اضل وراج وراج ، حتى اذا بيوم اتزاعلنا هم اعوفج جم سبوع وارجعلج ، انتي متعرفين شكد احبج ....

سكينة : مسح ادموعي بأطراف اصابعه ، وشالني ، اخذني الغرفتنا .....

علي : صدك هسه اني عريس ....
سكينة : اخذت نفس وخليت راسي بركبته ، خلاني على الجرباية ، سحب تلفونه وشغل الاضوية كلهن ، وكعد ياخذلنا صور وخربانين ضحك ، وكل شوية يسوي سنار الجلب هذا اليطلع لسانه هههههههه .....

..... عوف هذا السناب ، سناب الارنويه حلو .....
علي : ثنينهن حيوانات ...
سكينة : طلع سناب الورد ، سحبت التلفون وكمنه نصور ، وكفت على الجرباية جان يوكف وياي ذب سترته وفتح قميصه، شدا تسوي ...