عيون النار داعش

البارت الرابع والاربعين

🍃⚘🍃رواية عيون النار🍃⚘🍃

دا١عش
⚘الحلقة -٤٤-⚘

⚘"الكاتبة: فاطمة علي"⚘
..🍃رأيكم+لايك🍃..

وانه عدك مو عزيز ودمعي مامرة چواك ؟
يا أعز طين إعله عيني شغيراك !!!!!

...........................

ماجد : شبيت نار وكلبت البيت فوك تحت ، وين تروح مني ، تالي تشــــرديــــن مـــنـــي ....
العلوية : يمه صلي على محمد ....

ماجد : خـــلـــيــتــو بــيــهـا مــــحــمــد ....
سيد هاشم : الحرمه شردت من البيت وانت جاي تصارخ علينا ...؟

ماجد : بـــيــمــن اطــــلـــع حـــركــتــي ، كـــلـــو مـــن وراكـــم ، تـــزوج وتـــــزوج مـــوتـــونـــي ، تالي خطبت ، وراهه ردت حرمتي الثانية حبلى ، شـــنــفــعتــوني هـــســـه ، انه الـيــوم اخــصــم هذا الــــمــوضــوع ....

سيد هاشم: وشلون تخصمو ...
ماجد : رايح البيت اهل درة ، واخرب كلشي ...
سيد هاشم ، عيب الناس شـ يحــجــون علينا ....

ماجد : شـــطــيــح حـــظـــي غــــيــر الــنــــاس شــيحجون خل يــحـجــون ، المهم انه عندي حرمه كافيتني مـــاريـــد الــثـــانــيـة ، اخــذت ســويج سيارتي ، وبوجهي البيت درة ....

....كلو مني ،انه الحسستها ماريدها وماطايقها ، استغفر الله ربي ، شلون بيا ، وين راحت هل بنية ، وصلت البيت درة ، اخذت نفس ونزلت ...

... اتصلت على درة ، الو انه بالباب ....
درة : هلا بيك ثواني واجيك ....
ماجد : دكيت الباب ، طلعلي اخوها ، دخلت للبيت ،
كعدت بالاستقبال ، دخل سيد ابو بدر ، السلام عليكم سيد ....

السيد : عليكم السلام ورحمه ، هلا بيك وليدي ...
ماجد : اليوم جايكم بطلب واتمنى متردوني ، وتسمعوني الاخر كلمه اكولها ...

السيد : كول وبخدمتك ...
ماجد : لا خادم الحسين ، ادري بيك ماتقصر سيد ،
بس من تجي درة كلها تحط الشال على راسها ....

السيد : اي ، بوية بدر كوم كل الاختك تلبس عباتها وتجي ....
ماجد : شوية ودخلت درة ، كعدت گبالي ، شكد صعبه من تكسر قلب احد بس احسن اخصمها من هسه ....

.... الحجي الراح اسولف بي كدامج ، وماريد اغبن حقج لو استغلج ، لو اضم عليج ، دومه حبل الجذب كصير ، والاي متى اضل ضام عليكم ، واتمنى ماتزعلين مني من تسمعين الحجي ....

درة : ليش ازعل ، مازعل منك ....
ماجد : سيد مثل ماتعرف ، انه اول حرمه بحياتي توفت ،والثانية طلكتها ، وبعدها اجيت وعقدت على بنتك والنعم منك ومن تربيتك الها ، شرف وادب واخلاق ، ومافديوم خشعت منها كلمه موزينه ابد ....

.... بس الي صار مااتوقع احد يتحملو ، حرمتي الثانية الطلكتها ، طلعت حامل ، وهسه اهلها ردوها لان مثل ماتعرف يعتبر الطلاگ باطل ، دحكت درة صفنت بوجهي ، ودمعتها نزلت ....