عيون النار داعش

البارت الثامن والستون

🍃⚘🍃رواية عيون النار🍃⚘🍃
داعش
⚘الحلقة -٦٨-⚘

⚘"الكاتبة: فاطمة علي"⚘
..🍃رأيكم+لايك🍃..

علي❥:
‏لو تدري أنتَ
شگد مهم
مثل الكرامة
التنقري بدمع الزلـمَ🖤
.
سكينة ❥:
هلــــي
بهـداي ترى العشـرين من عمـــري
ملـچومات بيهــن نـــوح سبعيـني 💔
.
.
.................

ماردين : ضليت متصنمه بوجهو ، اشرلي وهو يسولف .....

علي : خوية تسمعيني ...؟!
ماردين : ها ، اي ، اسفه ، تفضل حرمتك جوا ، خليت وطلعت وهو دخل ....

سكينة : ماري منو ؟ ، باوعت دخل علي بحيث انصعقت بمكاني وكف كدامي وبكل تكبر حجه وياي ....
علي : شلونج ...؟
سكينة : بتردد ، زينه ...

علي : تمشيت خطوات على الطفله ، وكفت فوك راسها ، شلتها وخليتها بين ايدي ، دمعت عيوني واني اباوع الملامحها الصغار ، واصابعها الطالعه من الملحف ، خليت اصبعي بين اصابعها گبل تمسكت بيهن ، وكعت فتحت عيونها وكأنو عرفتني وهي تبتسم ورجعت غمضت عينها ....

..... ابتسمت من كل قلبي ، احس صار شي بقلبي ، هيج رجفت عليها دمعت عيوني واني اباوعلها ، شنو هاي شكد حلوة وناعمه ....

سكينة : دنكت راسي ونزلن دموعي واني اشوف فرحته بيها ، صح ناعمه ....
علي : بستها ورجعتها لمكانها ، وكفت وباوعت السكينة ، ها مرتاحيتي ...؟

سكينة : اسفه ...
علي : ميفيد اسفج ابد ، ردت اكولها على موضوع ناني بس اتذكرت هي ترضع الطفله وماحبيت احرك قلبها ، بس هلكد حاقد عليها اريد احرك قلبها مثل ماعافتني وحركت قلبي .....

سكينة : باوعت عليّ ، لابس بنطرون اسود وقميص رصاصي ، وسترة سوده ، وهو هو على ترتيبه ، نزع الشفقه البراسه وانصدمت مزين شعره ، هاي ليش مزين شعرك ؟

علي : المن اعوفه ، التحبه وراحت ، ميفيدني بعد ...
سكينة : برطمت ، بس هيج احلى ....
علي : ههه ، اني اصلا بكل احوالي حلو .....
سكينة : التكبر الشايله بعيونه والحقد كمت احس بيهن ، يسولف وياي ويحجي من ورى خشمه ويكرر رفع تك حاجب بدون ابتسامه ،

علي : مناوية ترجعين ...؟

سكينة : الحياة هنا احلى ، ليش متجي هنا نعيش ..
علي : صعبه ، وجودي بحد ذاته هسه صعبه ، ممكن بأي وقت يجون يلقون القبض عليه ، لان دخلت بجواز وجنسية كلهن مو بأسمي ، بأسم اشرف ...

سكينة : يعني انت خاطرت بس حتى تجي تشوفني ...
علي : منو كالج اشوفج ،هههه شهل ثقه العندج ،
اني اجيت اشوف بنتي وارجع قبل ليكشفون امري ، الحمدلله على سلامتج ،
ديري بالج على بنتي ، والاحسن ترجعين بيها للعراق لان ممكن ارفع عليج دعوة قضائية و اكلهم خطفت بنتي ومرتضى ترجعها اليه ....