🍃⚘🍃رواية عيون النار🍃⚘🍃
دا١عش
⚘الحلقة -٣١-⚘
⚘"الكاتبة: فاطمة علي"⚘
..🍃رأيكم🍃..
شاعر الاغنية يكول :
ابد م فرح بالدنيا
ويضحك سني
مادام ذيج الشيخه
راحت مني .....
............................
سكينة : ضليت ايام بالفراش ماريد اتحرك تعبانه حيل ، شكد حاولت اتحرك بس بعد ماعندي طاقه ،
وهل ابو مصعب لزك العيني ميتركني ابد ، يجيب الاكل للغرفة ، ويريد يوكلني بيده ...
.... ودائما الكا نايم لو بالكاع لو على القنفه ، لعبها النفسي ، الى ان راح عدهم هجوم ، كامت بلسم تبات عندي بلغرفة ....
.... كمت اريد اشوف اميرة ، بس منو ياخذني الها ، شكد مقهورة على حالتها بس هي تفهمني ، هنا كلهن
حتى بلسم ممهتمات ، بلسم حامل خمسة اشهر ، والثانية توها جايبه ...
.... اليل كله ماانامه ، احس صارت بيا حالة نفسية ، او انفصام بالشخصية ، هاي مو حالتي ، ولا هاي اني ، انوب رجعت اريد حبوب ، كمت اتخبل نص اليل اكوم اكسر بغراض الغرفه ، واضل نايمه بالكاع ...
... سكينة لازم تعالجين نفسج بنفسج ، لازم متاخذيهن ، هذني يسببن الج ضعف بنفسيتج ، وهذاك يستغلج ، اضل نايمه بالزاوية واون لو اهز برجلي ...
... شبه تخبلت ، صارله هواي مجاي ابو مصعب ، ليش هلكد اتأخر ، بيوم نص الليل ، انفتح الباب ، اني كاعده بالزاوية ومخليه راسي بين رجلية ...
.... كدام عيني علي وابني رضا ، اريدهم اريد ارجع الحياتي الهادئه الي بدون هوسه ، اريد ارجع الحضن علاوي الي ماكو منه ، شلون جان يعاملني بحب وحنية ، كم شهر بقيت ويا عيشني ملكه ....
ابو مصعب : شجاج ، ليش هج الحجرا مگلوبا ...
سكينة : رفعتله راسي ، ها اجيت ،
رجعت خليت راسي بين رجلية ودموعي تجري بس بدون بجي ...
.... كعد بصفي ، وجرني عليّ ،حاولت اوخره مني بس ماعندي اي طاقه بجسمي ، خلاني على رجله وكام يلعب بشعري ....
ابو مصعب : ليش عامله بروحج هج ، ليش مأذيه نفسج ، شنو التردينو اسوي الج ، انت بس اشري ...
سكينة : ماريد شي ، تعبت بس اريد انام ...
ابو مصعب : متنامين ، احد كاضب عيونج ...
سكينة : لا بس ماكدر انام ، احس عقلي خدران ، وجسمي كله يأذيني ...
ابو مصعب : مادري شكلج ، بس هسع نامي ، وارتاحي ....
سكينة : كتلك مااكدر انا ، تعبانه ، عوفني ، كوم من يمي ، جرني حيل وتمدد بصفي ، وخلا ايده على راسي وعيوني وينومني مثل الطفل ، اختنكت بالزايد ....
.... هنا صدوك حسيت محتاجه الحبوب ، حتى مااحس بهذا الاحساس الوصخ الي جاي احسه هسه واني بهذا المكان ، شنو بشر ميكدر يدافع عن نفسه ...
أنت تقرأ
عيون النار داعش
Misterio / Suspenso#قصة حب و رعب وحرب و تضحية ماردين & سكينة&اسيل&ملاك&منسا&خديجة&حنين&ورود متابعه ممتعه .... الكاتبة:- فاطمة علي⚘🌷⚘
