عيون النار داعش

البارت الاربعون

🍃⚘🍃رواية عيون النار🍃⚘🍃
دا١عش
⚘الحلقة -٤٠-⚘

⚘"الكاتبة: فاطمة علي"⚘
..🍃رأيكم🍃..

‏لا أستطيع مسامحة شخص حاول أن يضعني
في دائرة الشعور بالخوف، في حين أنني حتى
عدوي لا أُريد رؤيته خائفًا !

...................................

سكينة : فزيت مفزوعه ، كعدت على حيلي ومثل السجين دخلت جتفي ، لزمت جتفي وعطت ، اخ يـــمـه ، انگطع نفسي وكمت ابجي ، بالكوه جريت النفس ، باوعت اني وين ؟ غرفه وهذا المكان اول مرة اشوفه ....

.... رجعت انتجيت على الحايط ايدي اليمنى مدا اكدر احركها من الوجع البيها ، عبالك محتركه ،
ومن اتنفس المكان ينغزني ، شنو صار وياي ، باوعت ليغاد وصل كلها دم وادوات طبية ....

... انتبهت بيدي كانوله ، اخذت نفس وعلى كيفي اتنفس احاول اهدء نفسي ، ربع ساعه يله شوية هدءت ، تسندت على الحايط وكمت ماكدر اعد ايدي عبالك ايدي مربطه ، وصلت الباب الغرفه فتحت الباب لكيت كومه حرس ....

.... وابو مصعب كاعد ليغاد ويدخن ، اتفاجئة هذا من شوكت يدخن ، باوعت لنفسي لابسه تراك وبدون حجاب ، شافوني اني گبل سديت الباب ورجعت ليورى ....

.... انفتح الباب ودخل ابو مصعب ، شصار وياي ...
ابو مصعب : شلون صرتي ، متأذية ، اكو شي يوجعج ؟؟

سكينة : اي جتفي حيل مأذيني ، اني شصار وياي ، وخر شعري من وجهي بعدت راسي من ايده ، وباوعتله ...

ابو مصعب : صعدتي ورانه للسطح ، ومادحكتج الا دمج بطولج واكعه ، نجنيت من دحكتج بهل حاله كلت ماتت ....

سكينة : منو السوى هيج الجيش ؟
ابو مصعب : لا ، بيت اهلو العدي ، اجو دكونه ، ورادو يكتلوني ويكتلوج ، بس هربتج منهم ...

سكينة : احنه وين هسه ؟
ابومصعب : بالفلوجه ، باجر نطلع للموصل ، هناك أأمن ....

سكينة : رجعت كعدت هو راح كعد ليغاد على القنفه ، ويباوع من الشباك ، طلع جكارة ودخن وفتح الشباك ، انت من شوكت تدخن مو عدكم التدخين حرام ...

ابو مصعب : ول من زمان ادخن ، عدهم حرام بس مو عدي ...
سكينة : الجو حار باوعت البنگه طافية ، والغرفه بوخه من الحر ، حاولت الم شعري مكدرت ، باوع عليه واجه يمي كعد ....

ابو مصعب : خليني اساعدج ...
سكينة : انطيته ظهري وكعد يلم بشعري ، سحب غترة وانطانياهه ...

ابو مصعب : اللبسيها من طلعين ، باجر اجيبلج عباية ...
سكينة : ماشي ، خلا ورجع المكانه ، ترى حارة متت من الحر ...

ابو مصعب : كهرباء ماكو ، وصيتهم يجيبون مولد ، شوية وتجي المولده ...
سكينة : ماشي ، رجعت تمددت ، جوعانه بس طلباتي واسألتي كثرت ، كام جابلي مي بارد خلا يمي وراح طلع ، شوية وسمعت صوت المولد ، اشتغلت البنكه ، دخل عدل البرده وشغل المبرده وجه الشباك عليه ...