🍃⚘🍃رواية عيون النار🍃⚘🍃
⚘الحلقة -3-⚘
⚘"الكاتبة: فاطمة علي"⚘
..🍃رأيكم🍃..
✨إلاحتواء بالكلام اللطيف
ضماد للروح ..
........
سكينة : فتحت عيني ، اني وين دايخه ولعبانه نفسي ، اريد اتأكد من المكان الاني بي ، اسمع صوت دك وركص بس بعيد ، عيوني ساديهن ، اخذت نفس ، حركت ايدي مربوطات ورى ظهري ، رجلي هم...
.... وييينكممم ، احد هنا يساااعدنيييي ، اني ووووين ، سمعت صوت الباب انفتح اجه صوت الدك الي برة والغنى من انسد صار قليل ،
انرفعت من الكاع وانفتحت عيني ، وهنا جانت اكبر صدمه بحياتي ...
... سجى وهذا الي مرة تعرضلي بالشارع اسمه اشرف ، كعدوني على قنفه من الصدمه مااكدر اجاوب شي بس فاتحه عيوني ،والخوف سيطر علية ، بالكوه حجيت ، انتو شتردون مني ، وانتي شعدج ويا هذا الوصخ ، وشنو هذا المكان ....
سجى : لج بنتي ، ترى بس انتي ولؤي جنتو تشتغلون خارج اطارنه ، احنه كلنا الي بالشارع جوه ايد الاستاذ اشرف ، يعني مثل متكولين الجبير مالنه ....
سكينة : بسرعه فكو ادية وخلوني اروح ، والله لا اشتكي عليكم ولا اجيب اسمائكم ، بس عوفوني اروح الحال سبيلي ، ضحك واجه تقرب مني ....
اشرف : ههههههه، على كولت المصريين هو دخول الحمام زي خروجه ، لا طبعاً ....
سكينة : بسررررعه ،افتح الحبال ...
سجى : استاذ مو كتلك هاي راح اتعبك ...
اشرف : سجاوي شفتيلج وحده مروضتها ، فد يوم وحده دخلت العرين اشرف و مكدرلها ، هسه ابرتين وبعدها تكوم تتوسل
...
سكينة : ابرة شنوووو، الله يخليكم عوفوني ، والله كتلك مااشتكي عليك ، سجى اني صديقتج اكلنا وشربنه سوى ....
سجى : وكت الشغل شغل حبيبتي ، واشرف صار سنين مخليج بعقله ، بس جان منتظرج شوية تكبرين اكثر ....
سكينة : تفووووو عليج بت حرام حقيرررة ...
اشرف : باعي ، عندج حلين ، الحل الاول لو تمشين مثل مااني اريد ، لو انطيج ابرة هسه واخليج تتوسلين بيه على الثانية ، وهم غصب عنج تشتغلين ويانه ....
سكينة : باوعت عليهم ، هو واكف يباوعلي منتظر اجابه مني ، ورى ثنين ضخام ، وسجى لابسه هدوم مفضوحه والحمرة واطك بالعلج ، مستحيل اصير مثلها ...
... اني بت عالم وناس ، مااكدر اشتغل اي شي وياكم ....
اشرف : هههههه بت عالم وناس ، تشتغل بالشوارع ،؟! بت عالم وناس تنام جوه الجمبر ؟!، بت عالم وناس تفتر ويا رجال متعرف عنه اي شي؟! ، بت العالم الي تحجين عنها شريفه وكاعده وساكته بيتها ، من البيت لدوامها ، مو دايحه بهدوم رثه مشككه وتسولف سوالف زلم وحتى اسمها اسم زلمه ...
أنت تقرأ
عيون النار داعش
Детектив / Триллер#قصة حب و رعب وحرب و تضحية ماردين & سكينة&اسيل&ملاك&منسا&خديجة&حنين&ورود متابعه ممتعه .... الكاتبة:- فاطمة علي⚘🌷⚘
