عيون النار داعش

البارت الثالث والثلاثون

🍃⚘🍃رواية عيون النار🍃⚘🍃
داعش
⚘الحلقة -٣٣-⚘

⚘"الكاتبة: فاطمة علي"⚘
..🍃رأيكم🍃..

هل تمُر بما امرّبهِ ،
أم انا غارق بمُفردي🤍 ....

...................................

ماجد : الحمدلله ، ضلت عيوني عليها ...
معاذ : ها بنتي تعالي هنا ...

طه : همستله ، ماجد ابوها واكف
شبيك صفنت ...

ماجد : مابيه ....
معاذ : يله يابه ، خل ندخل للمحكمه نخلص هل سالفه ....

ماجد : تفضلوا ، مشو كدامي ، وانه وراها ، ادحك بالعالم احسهم كلهم يدحكون بيها ، راسي كب نار ،
هدومها حيل ضيگه ....

ماردين : كمت اخربط بالمشية وهو وراي ، حسيتو راح يفترستني ...
طه : ماجد اوكف شبيك ، اهدء شوية كتلك ابوها وياهه ...

ماجد : لو بيدي سلاح هسه اخلي طلقه بعين كل واحد يدحك بيها ، شلون مطلعها هج ، ولك
عباتها وين ، امشي وعين عليها وعين على العالم ...

طه : معليك بيها ، ابوها وصي عليها منا وجاي انت مالك علاقه بيها ....
ماجد : انوب مخليه مكياج ....

طه : الو حايط تسمعني اي اني هم اسمعك ، ماجد شبيك جاي تسمعني شحجي ...

ماجد : اي اي ...
معاذ : اكعدي هنا ، دقايق واجي ....

ماردين : كعدت اجه ماجد وكف فوگ راسي ، مااجرء ارفع عيني بعينو ، ابوية وين راح ....

ماجد : وكفت كدامها وانطيتها ظهري وادحك بالناس ، كل واحد حاير بهمو ، ومحد عليّ بالثاني ، بس انه مشتعل نار ...

ماردين : رفعت عيني واشوفو واكف فوك راسي ، ومخلي ايدو ورى ظهرو مثل الحرس ، دحكت خواتم بأيدو ثنين ، شذرة زرقة وشذزة سودة ، وكل محبس احلى من الثاني وكبار ...

.... ابتسمت لان حسيت بغيرتو عليّ ، يعني هو لسها يحبني عجل ليش طلكني ....

.... هل كسرة البقلبي السويتها ، ماتنجبر يماجد بهل تصرفات ، صح احبو بس كرامتي فوك كلشي ، هو حتى ماسمعلي ولا سئلني ، اجه ابوية وكف يسولف ويا ماجد وصديقو الشيخ ...

معاذ : كملت الاوراق ، بس بعد تبصمون وتصعدون للقاضي وخلص ...

ماجد : ماشي ، انتظرنا شوي ، رحت جبت مي واجيت ...
ماردين : اجه المحامي يسألني وانه اجاوبو ...

المحامي : كم شهر استمريتو بالزواج ...
ماردين : تقريباً ست اشهر ....

المحامي : زين هو شكد عمره وانتي شكد عمرج...
ماردين : عمرو ٣٦سنه تقريباً ، وانه عمري ١٦ سنه ...

ماجد : دحكت واحد واكف ويسولف ويا ماردين وابوها ، استعرضتهم ، وانه احجي ، هاج اشربي مي ، منو حظرتك ...