عيون النار داعش

البارت الخامس

🍃⚘🍃رواية عيون النار🍃⚘🍃
⚘الحلقة -5-⚘

⚘"الكاتبة: فاطمة علي"⚘
..🍃رأيكم🍃..

✨

وكون مافاتح رسالة
ولا قبلت بيوم ظرفك
كون ارد ذاك الغريب المايعرفك

..............

اسيل : اربيل ،؟! انت مو كلت كركوك شجابنا الاربيل ...

عيسى : نكعد بس يومين هينا وبعدها نرجع الكركوك لاتخافين حبيبتي ولايضل بالج ريحي قلبج... جوعانه تردين تاكلين شي ..

اسيل : لا ماني جوعانه ، لزمت قلبي ، اكيد امي عرفت بهروبي ، ربي ساعدها وساعدني ، ساااعات طوويلة وحنا بالطريق بعد تعب وممل وصلنه لبيت ، ندست عيسى وكتلو .. احنه وين ؟

عيسى : حبيبتي حنا بأربيل ،راح انزل اشتري اكل تاكلين وياي ...

اسيل : هاا ، اي جعت ، اي شي حتى لو بسكت و شربت بس اسند قلبي بيهم ، راح جاب علاكه بيدو فتحتها بيها نساتل و شرابت ، شربت شوية من الشربت وفتحت النستله اكلت منها ورجعتها بالعلاكه..

... عيسى اريد اروح للحمام ..

عيسى : امشي انزلي بينما يكمل الولد ريوكو ..

اسيل : نزلت وانه ادحك على المناظر والجو حلوو وبااارده ثلللج دخلت للحمام كملت وطلعت لبست كفوفي و جيت يم عيسى احس ضهري اتكسر من نومت السيارة مطيت جسمي وهو يدحكلي ويبتسم ..

عيسى : ماضل شي و تصيرين مرتي ، و احتويج بين ضلوعي ..

اسيل : بأذن الرب ، بقلبي ماكنت مرتاحه ابد
، اجا الولد و رجعنه صعدنه بالسيارة وصلنه المكان بي شقق نزلنا ، عيسى سلم على الولد انطى فلوس وراح ، حط عيسى ايدو على ظهري ..

عيسى : راح انبات هل ليلتين هين ، وبعد بكرا نطلع الكركوك ..

اسيل : ماشي ، دخلنه ، كانت الشقه بالطابق الثالث ، مجهزه وتخبل وكلها اثاث يجنن بس تحب تكعد عليه ، سحبني عيسى من ايدي واخذني للغرفة ، عيسى شسووي شبيك اترك ايدي ..

عيسى : بليل انتي مرتي ، اليوم انروح للكنيسة ونتزوج ..

اسيل : من كال هيج خجلت بعد اكثر ونزلت راسي كعدنه شوية و عافني وراح طلع ، ليل هو ماكو ،
ضل بالي يمو و متت من الجوع كل شوية اكل نستله لو اشرب شربت خلصن مبقى شي ...

.. تمددت على السرير وجنت حيل تعبانه غمضت عيوني ، وغفيت ...

..لهناك واحس ايد تلامس وجهي فتحت عيني بثقل ، عيسى ،؟! رفعت راسي وادحك بعيسى مو على بعضو ، كنو شارب ، دفعتو من صدرو هو يسحب بيا عفتو ودخلت للحمام ..

.. وقفلت الباب وهو هدء و ماكو صوت ضليت للصبح انه غافية بالحمام ، سمعت عيسى يندهلي وانه خايفه اطلع ..