عيون النار داعش

البارت الخمسين

🍃⚘🍃رواية عيون النار🍃⚘🍃
داعش
⚘الحلقة -٥٠-⚘

⚘"الكاتبة: فاطمة علي"⚘
..🍃رأيكم+لايك🍃..

خليتني
بديرة غرب
مالوم والمدمع
يكت يالرسمك
  بعيني انطبع
راحت عيوني وما رحت
عريان السيد خلف .....💔

موسيقى البارت

.........................................

سكينة : طلع رافد من البيت ، والزلم طلعو كلهم ، وكفت بالباب ، حسيت قلبي انعصر عصر ،
باوعت الولد راسهم يجري دم ، سحبتهم ودخلتهم للحمام ، تعالو اعالج جرحكم ...

.... غسلتلهم ، وعالجت جرحهم ، ورجعت بيهم للغرفه ، ضلو يمي لحد يتحرك من مكانه ، باوعت الساعه جانت ١٠ الصبح ، ربي رجعه بخير وسلامه هو وصگر ...

.... ضليت على نار بيتنا انخبص خبص ،
الساعه كدام عيني ، تمر الساعه على كيف ، صارت المغرب و محد منهم بين ، مااسمع الا صوت سيارات صارت بالشارع ، خليت الشال وركضت للحوش ، انفتح الباب طلاقتين ،اباوعووين رافد ، ياربي ، واسمع صوت طلق يرمون برا احترك الجو حرگ ....

.... دخل رافد ملابسه كلهن دم ، وشايل واحد بس بدون راس ...

.... فتحت عيني وحلگي من الصدمه وعيوني تسابقن ، احس نفسي انگطع ،
گبل وكعت على رجلي والنسوان طلعن يصرخن ،
خلا بالنص وكف على صفحه ، خليت ايدي على وجهي ، وكمت اصرخ واعيط وارجف ، ماريد اشوف هذا المنظر ، للااااا لااااا ، لاااااا ، ياااااا الـــــــلــــه ، كلها تصرخ ...

....( صگر ردو كاطعين راسو الدواعش ، يبوووووو، بعدووو ماداحك شي من حياتو ، ولك رافد راح وليدك راااافد ، ولك يمممه شلون تحمل فراگ وليدك يممممه راااافد ، جبتووو راسووو مكطووع ، يبووووو ، شلووون حملت ابنك يمممممه ) ...

.... انتبهت على رافد واكف ورافع راسه وهدومه كلهن دم ، حسيت اكو رجفه بأعصابه ، رحت عليّ ، وجريته من ايده باوع عليه بكل غضب وخزرني ، عيونه كلهن دموع بس مابجه ، عافني وطلع ....

....نزلت راسي وباوعت على جسم صگر ، الصغير ، بدون راس ، وهدومه كلهن دم ، اني الموتك ، كله مني ، اني الموتت هذا الولد ، كله مني ...

.... طبيت للغرفة ، الطم على وجهي واخرمش بي ، كله مني ،اني مووتت الولد ، بـــســبــبــي انـــي مـــــات الــــولـــد ، لوما اني ميموت الولد ،اني كتلت عدي والولد مات بــــسـبـبـــي ، اااااااااااا ، خليت ايدي على وجهي وسجدت وابجي بكل حرگه ، ماحسيت الا واحد جرني الحضنه ....