Unicode
" ကဲ .... ဟောဒီဘက်က သမီးတော်ကြီးက ကြာသာပတေးသမီး မဟုတ်လားဝေ့။အိမ်း..... သမီးတော်ကြီးရဲ့ ကံဇာတာတွေဟာအင်မတန့်အင်မတန့် မြင့်တက်နေတယ်။ဒါပေမဲ့ ....။ "
ဗေဒင်ဆရာ ဦးသာေအာင်စကားကြောင့် ဒေါ်မေသီလန့်သွားကာ ရှူးရှူးရှဲရှဲနှင့်။
" ဒါ ... ဒါ .....ဒါပေမဲ့ ဘာဖြစ်လို့လဲရှင်။ကျွန်မဖြင့် ရင်တွေတောင် တုန်လာပြီရှင်။ "
ဦးသာအောင် သူ၏မေးစေ့တစ်ဝိုက်ရှိ မုတ်ဆိတ်မွှေးများအား ခပ်ဖွဖွသပ်ကာ။
" သမီးတော်ကြီး ရာထူးတိုးကိန်းမြင်တယ်ဟေ့။ "
" ဘာ....ဘာ....ဘာ ရာထူးတိုးကိန်းလဲ ဆရာကြီးရှင်။ "
" အိမ်းပြောရရင်တော့...... အင်း..... ယောက္ခမအဖြစ်ရာထူးတိုးကိန်းပေါ့။ "
ဦးသာအောင် စကားကြောင့် အစောတုန်းကဆိတ်ဆိတ် နေခဲ့တဲ့ဒေါ်လှရီပင် အံ့ဩဘနန်းဖြစ်ကာ ဒေါ်မေသီနှင့်အတူပင် အံ့အားသင့်လျက်သား။မေသော်တာ မကြာသေးမီကခိုးရာလိုက်သွားခဲ့ကြောင်း သူတို့ဆရာကြီးအားပြောပြမထားသောကြောင့်ပင်။
" ရှင်!!!!!!!! "
" ဟုတ်တယ်ကွဲ့ ။ဟုတ်တယ် နှစ်ခါတောင်တိုးမှာ နှစ်ခါတောင် !!!!! "
ဦးသာအောင် နှစ်ခါတောင်ဆိုသည့် နေရာ၌လေသံအားသိသိသာသာဖိကာ လက်နှစ်ချောင်းပင်အစစ်ထောင်ပြလိုက်သေးသည်။
ဒေါ်မေသီအဆုံးမှာတော့ မူးတောင်မူးလာသလိုပင်ခံစားလာရသည်။ထို့ကြောင့်....
" လှရေ နှာရှူဆေးလေးပါရင် သီ့ကိုငှားပါ့ဦး။ "
ဒေါ်လှရီ ဒေါ်မေသီအား ပိုက်ဆံအိတ်ထဲမှ နှာရှူဆေးဘူးအား နှိုက်ကာပေးလိုက်သည်။တော်သေးသည် မူးမလဲတာ မဟုတ်ရင်မနည်းနှာနှပ်ယူရလိမ့်မည်။
ဒေါ်မေသီ နှာရှူဆေးဘူးအား တစ်ချက်တစ်ချက်ရှူရင်း။
" ဒါတွေပဲလား ကျန်တာတွေကောတစ်ချက်လောက် ကြည့်ရှူပေးပါဦး ဆရာကြီးရဲ့။ မကောင်းတာဆိုရင်တော့ပြောကိုပြောမနေပါနဲ့တော့ရှင် ကျွန်မဖြင့်မခံနိုင်မှာစိုးတယ်။ "
YOU ARE READING
သူကြီးကတော်(BL)
General FictionTitle - သူကြီးကတော် Type - တောရွာ။ Start date - 12 January 2021 End date - 8 September 2021 Unicode and Zawgyi
