Unicode
" အင့် ! "
" ကိုဘုန်း ကိုဘုန်း အရက်တွေ သောက်လာတာလား ? "
ဟုတ်ပါသည်။ဘုန်းမြတ် ဒီနေ့မဆိုစလောက်ကလေး သောက်ထားမိသည်။ အဲ့တာကလည်း ဟိုကောင် သူရကြောင့်ပင်။ မင်္ဂလာဦးညမို့ ရဲဆေးတင်ရန်လိုအပ်သည်တဲ့လေ။
အခုတော့ ရီဝေဝေလေးကို ကလေး၏အသံတချက်နဲ့တင် အမူးပြေချင်လာသည်။
" ကို ကို ဘုန်း နည်းနည်းလေးပဲသောက်ထားတာပါ နည်းနည်းလေးဆိုမှ တကယ့်ကို နည်းနည်းလေး "
လက်ညှိုးနှင့်လက်မအားဖိလျက် ကလေးငယ်သဖွယ် လုပ်ပြနေသောကိုဘုန်းအား ပစ်တိုင်းထောင်ကြည့်ရင်းရယ်ချင်လာသည်။
" အင်းပါ အင်းအင်း ဒီနေ့မို့လို ခွင့်လွှတ်ပေးလိုက်မယ်။နောက်တခါဆိုမရတော့ဘူးနော် "
" ကောင်းပါပြီဗျာ။ "
" လာ အဝတ်လဲရအောင် ညနေကတည်းကအင်္ကျီမဟုတ်လား ကိုဘုန်းကတအားညစ်ပတ်တာပဲ။ "
အင်္ကျီချွတ်ရင်း ပွစိပွစိလုပ်နေသော ပစ်တိုင်းထောင်အား ကိုဘုန်းကလာလာကလိလေသည်။
" ညစ်ပတ်ကြီးကို မချစ်ဘူးလား။ "
ပစ်တိုင်းထောင်ပထမဆုံး အင်္ကျီကြယ်သီးချွတ်ရင်း။
" ကိုဘုန်းကတော့နော် သိသိကြီးနဲ့မေးနေပြန်ပြီ "
" ကိုယ်ကြားချင်လို့ပါကွာ "
ပသ်တိုင်းထောင်မေးစေ့လေးအားလာကိုင်ရင်းမေးသောကြောင့် ပစ်တိုင်းထောင်မှာမမူနိုင်တော့ပါချေ။
" ချစ်တယ်လို့ ဟုတ်ပြီလား ချစ်တယ်။ "
" စိတ်မပါတဲ့လေသံနဲ့မပြောနဲ့လေ။ "
ကိုဘုန်းက ရစ်တတ်လို့လား ? ခုမှဘာလို့လာလာပြီးရစ်နေတာတုံး။ထားပါလေ ငါကပဲအေလျှာ့ပေးလိုက်ပါ့မယ်။ဝဋ်လည်တာပဲနေမှာ။
" ချစ်တယ် ချစ်တယ် အများကြီးချစ်တယ် ဟုတ်ပြီလား လာကိုယ်လက်သန့်စင်ပြီး အိပ်ရအောင် ကိုဘုန်းရ ကလေးအိပ်ငိုက်နေပြီ။ ဝှားးးးးး "
အင်္ကျီချွတ်ပေးရင်း အိပ်ငိုက်ပြီဟုပြောလာသော ကလေးအား ကြည့်ရင်းမျက်နှာပေါ်၌ အဓိပ္ပာယ်ဖော်၍မရသော အပြုံးတစ်ခုဖျက်ပြေးသွားသည်။
KAMU SEDANG MEMBACA
သူကြီးကတော်(BL)
Fiksi UmumTitle - သူကြီးကတော် Type - တောရွာ။ Start date - 12 January 2021 End date - 8 September 2021 Unicode and Zawgyi
