Unicode
" ကိုဘုန်း ကိုဘုန်းရေ ဗျို့ ကိုဘုန်းး "
ဘုန်းမြတ် လပြည့်ညမို့လမင်း၏ အလှကိုရှုရင်း အကြမ်းရည်သောက်ရန် အိမ်ရှေ့ကွပ်ပျစ်ပေါ်၌ထိုင်နေခြင်းဖြစ်သည်။ထိုစဉ်အပင်အကွယ်မှ လေသံတိုးတိုးလေးဖြင့် ကလေး ကုပ်ချောင်းကုပ်ချောင်းနှင့် ခြံထဲသို့ဝင်လာလေသည်။
လပြည့်ညမို့ အရာရာဟာ လင်းလင်းထင်းထင်းမြင်ရလေသည်။ကောင်းကင်ပြင်ကျယ်ကြီးမှာလည်း တိမ်ကင်းစင်လျက်ပင်။
" ကလေး ဘာလာလုပ်တာလဲ ညကြီးမိုးချုပ် "
" ဟိဟိ သတိရ အဲလေကြီးသီတို့က အိမ်ရောက်နေတာဆိုတော့ ကိုဘုန်းတစ်ယောက်တည်းစိတ်မချလို့လေ တော်ကြာသရဲမလာဆွဲ ဒုက္ခ။ "
" ပေါက်ပေါက်ရှာရှာကွာ ကိုယ့်ကိုဘယ်သရဲကဆွဲမှာလဲ။သတိရရင်သတိရတယ်ပေါ့ လိမ်မနေပါနဲ့ကလေးရယ် "
" ဟာဗျာ မဟုတ်ပါဘူး။မေမေကမယ်ဇလီဖူးသုပ် လာပို့ခိုင်းလို့ပါ။ "
" ဟုတ်လား။မေမေတို့ကကလေးတို့အိမ်သွားတယ်လေ ဒီညကတန်ဆောင်မုန်းလပြည့်ည၊ဆေးပေါင်းခတဲ့ညဆိုတော့ မယ်ဇလီဖူးသုပ်စုစား
ကြမလို့တဲ့လေ။ကိုယ်ကအိမ်မှာလူမရှိလို့ကျန်ခဲ့တာ။အခုတော့ ကလေးကအိမ်တိုင်ယာရောက်လာကျွေးတာကိုးးး။ "
" ကိုဘုန်းနော် အခုတလော အကျင့်တွေတအားပျက် လူရှေ့မရှောင်သူရှေ့မရှောင်နဲ့ "
" မကျွေးတော့ဘဲနေမှာ "
" စတာလေကွာ "
" ပြီးရော လာပန်းကန်လာယူပေးအုံး ထိုင်တောင်မထိုင်ရသေးဘူး။လာတာနဲ့ရပ်ပြီးစကားပြောခိုင်းတယ် ဟွန့် "
" ...... "
လမင်းကြီးက ထိန်ထိန်သာလျက်။သန်းခေါင်းယံ အချိန်သို့ရောက်နေပြီဖြစ်သော်ငြား သကောင့်သားလေးမှာ အိမ်သို့မပြန်နိုင်ပေ။မယ်ဇလီဖူးသုပ်အတူစားမည်ဟုပြောရင်း အကြမ်းရည်ခွက်အားမှုတ်ကာသောက်နေလေသည်။ပုဆိုးဝတ်ထားသောကြောင့် ခြင်ကိုက်မှာစိတ်မပူရပေမဲ့။လက်ပြက်ကလေးဝတ်ထားသည်မို့ လက်မောင်းနှင့်လက်ဖျံမှုကား ခြင်ကိုက်ခံရလေသည်။
YOU ARE READING
သူကြီးကတော်(BL)
General FictionTitle - သူကြီးကတော် Type - တောရွာ။ Start date - 12 January 2021 End date - 8 September 2021 Unicode and Zawgyi
