_ គ្រាន់តែចុះមកដល់ខាងក្រោមភ្លាមហើយឃើញគ្រប់គ្នាអង្គុយក្នុងតុបាយ Tae ក៏ឈប់រើខ្លួនព្រមឲ្យរាងក្រាសអោបចង្កេះបណ្ដើរចូលមក ទោះបីរៀងទើសទាល់ចិត្តហើយពិបាកដើរក៏គេត្រូវទ្រាំដើម្បីប៉ាដែរ ។
« អរុណសួស្ដីលោកប៉ា អរុណសួស្ដីគ្រប់គ្នា » Jungkook និយាយសួស្ដីទាំងញញឹមបិទមាត់មិនជិត ឯរាងតូចក៏មិនចង់ញញឹមប៉ុន្មានដែរគិតតែពីសម្លក់ នាយរហូតទាល់តែពេលលោកប៉ាងាកមកទើបគេ ញញឹមលិបភ្នែកឲ្យគាត់ឃើញ ។
« នេះបណ្ដើរគ្នាចុះមកដូចផ្អែមល្ហែមដល់ហើយន៎កូនប៉ា » Mr Kim បិទកាសែតញញឹមសួរស្រប ពេលរាងក្រាសបានដៃទាញ Tae មកកាន់តែផ្អឹបនឹងទ្រូងនាយមួយកម្រិតទៀត ។
« មកពីពួកខ្ញុំស្រឡាញ់គ្នាខ្លាំងនោះអីលោកប៉ាម្យ៉ាងបានប្រពន្ធស្អាតថ្នាក់នេះ ខ្ញុំនៀកចង់តែអោបហើយថើបឲ្យបាត់ក្នាញ់ទេបាទ សឺត... » និយាយមិនទាន់ផុតពីមាត់ Jungkook ក៏ឆ្លៀតឱកាសថើបថ្ពាល់រាងល្អិតមួយខ្សឺតវែងធ្វើឲ្យ Tae ភ្ញាក់ផ្អើលបើកភ្នែកធំៗ សូម្បីតែម្ដាយចុងនិង Donghae ក៏ភ្ញាក់បន្តិចតែក៏មិនសូវចម្លែកចិត្តព្រោះយល់ថាពួកគេជាប្ដីប្រពន្ធនឹងគ្នា នោះអីតែថាពួកគេស្គាល់មិនទាន់បានពីរខែស្រួល បួលផងក៏រៀបការជាមួយគ្នាលឿនថ្នាក់ហ្នឹងឬ?
« បានហើយៗនាំគ្នាអង្គុយចុះមក...Yung រៀបចំ ទៅ » លោកម្ចាស់បន្លឺឡើងទើបមីងមេផ្ទះរៀបដួសបបរដាក់ចានឲ្យគ្រប់គ្នា ។
« មែនហើយប៉ា ពេលនេះពួកខ្ញុំរៀបការរួចហើយអ៊ីចឹងពេលណាប៉ាវះកាត់ទៅ? » Tae សួរឡើង អាចថាគេបង្ខំក៏បានតែព្រោះចង់ឲ្យគាត់ល្អទៅវិញទេ ។
« អឹម...ប៉ាគិតថាចង់បង្ហើយការងារនៅក្រុមហ៊ុនឲ្យរួចរាល់ហើយទៅវះកាត់នៅក្រៅប្រទេសតែម្ដងតែ ប៉ាមិនទាន់ដឹងថាគួរទៅទីណាល្អទេ » Mr Kim ញញឹមតិចៗទាំងមិនទាន់ច្បាស់លាស់ទើប Jungkook ដែលលឺហើយនិយាយកាត់ភ្លាម ។
« អញ្ចេះល្អទេលោកប៉ា ខ្ញុំមានសិស្សច្បងជាគ្រូពេទ្យវះកាត់នៅអាមេរិកម្នាក់ គាត់ក៏ជាជនជាតិកូរ៉េដែរហើយព្រឹកមិញនេះខ្ញុំបានខលទៅនិយាយជាមួយគាត់រួចហើយប្រាប់ថាទំនេរ ប៉ាអាចទៅពេលណាក៏ បានដែរ » លឺនាយនិយាយដូច្នេះធ្វើឲ្យ Tae ចាប់ភ្លឹកតែម្ដង តាមពិតព្រឹកមិញដែលនាយចេញពីបន្ទប់ទឹក យកទូរស័ព្ទនោះព្រោះចង់ខលនិយាយរឿងសំខាន់សោះតែគេបែរជាស្រែកឲ្យនាយទៅវិញ គិតហើយក៏ដឹងថាខ្លួនគេនេះឆេវឆាវពិតមែន ។
ВЫ ЧИТАЕТЕ
꧁អេតាស៊ីវិលក្លែងក្លាយ꧂ (Completed)
Любовные романыអេតាស៊ីវិលជាកិច្ចកុងត្រាដែលភរិយាស្វាមីធ្វើការចុះហត្ថលេខាដើម្បីបញ្ជាក់និងធ្វើជាសាក្សីសម្រាប់ស្នេហាដ៏ស្មោះស្ម័គ្ររបស់ពួកគេទាំងពីរនាក់ ប៉ុន្តែចុះបើសិនជាអេតាស៊ីវិលមួយនោះគ្រាន់តែជាការបិទបាំងពីក្រោយកិច្ចសន្យារបស់ពួកគេទៅវិញ តើគ្រប់យ៉ាងនឹងក្លាយទៅជាបែបណា? ꧁...
