🎶Matagal ko nang tinatago ang nararamdaman
Nitong puso kong puno ng alinlangan
Sanay na andyan lamang sa tabi
Paali-aligid lang
Patingin tingin sa'yo
Ako'y nababato
Sa tuwing makikita ko
Ang ‘yong mga ngiti
Alam ko ‘di para sa'kin
Ilang beses kong sinubukan na aminin sa'yo
Ngunit puso ko'y palagi lang kabado
Tuloy ako ang talo sa huli
Paali-aligid lang
Patingin tingin sa'yo
Ako'y nababato
Sa tuwing makikita ko
Ang ‘yong mga ngiti
Alam ko ‘di para
‘Di para sa'kin
Hindi ka para sa'kin
Kayang patawanin
Ngunit ‘di ka para sa'kin
Hindi para sa'kin
Hindi ka para sa'kin
Ikaw ang panalangin
Ngunit ‘di ka para sa'kin🎶
Kasalukuyan akong nasa kwarto ngayon at nag-aayos ng mga gamit ko dahil sa pasukan na next week. Ang bilis na natapos ng bakasyon. Mabilis ding lumipas ang mga araw mula ng championship.
"Cxiara, nasa baba sila Jiro" wika ni Mommy.
"Opo, my. Bababa na rin po ako saglit lang."
Ano na naman kayang ginagawa ng mga kumag na to dito? Wala naman kaming usapang magkikita kita ngayon.
Itinabi ko muna nag mga gamit ko saka nagdesisyon na bumaba na. Naabutan ko silang nagtatawanan sa sala.
"Hi, Ate Ara" bati ni Steve.
"Araray, what's up?" ani Jiro.
"Ba't kayo nandito?" masungit kong tanong.
"Bawal bumisita?" kunwari'y inosenteng tanong niya.
"Wala naman may sakit dito sa bahay. Kaya't bat kayo bibisita?" masungit kong tugon.
"Ang OA, Araray. Kapagka may nagkasakit lang ba dapat bumibisita?"
"Oo" saad ko sabay irap at naglakad papuntang kusina.
Narinig ko pang magtawanan ang mga bugok. Nagtimpla ako ng juice at inilapag yun sa mesa.
"So, ano nga, bat kayo nandito?" saad ko.
"Pinapasundo ka ni Sheenay eh. Magmovie marathon daw sa bahay kasi next week may pasok na ulit. Bonding daw" tugon ni Steve.
"Tsaka manlilibre din daw yang si Jiro. Magpapapizza daw yan eh" saad naman ni Kierwyn.
"So, ano? Sasama kayo Xi?" tanong niya.
"I can't. May pupuntahan ako eh. Ipapaayos ko kasi yung motor. Para next week magamit ko na" tugon ni Xi.
"Magmomotor ka ulit?" gulat na tanong ko sa kapatid.
"Yep. Don't have choice." kaswal niyang sagot.
