ថេយ៉ុងធ្វើមុខអេះអុញមិននិយាយតបនឹងនាងបានត្រឹមប្រើក្រសែភ្នែកអង្វរកបញ្ជាក់ថាគេធ្វើមិនបាន វាភ្លាមៗពេកហើយដែលត្រូវបង្ហាញថាជូលីយ៉ារបស់គេ វាប៉ះពាល់ដល់កិត្តិយសយូណាព្រមទាំងអ៊ំចិញ្ចឹមរបស់គេ
"បើធ្វើមិនបានទេក៏លែងខ្ញុំទៅ" ជូលីយ៉ាដៃមួយទំហឹងហើយដើរត្រុយទៅអង្គុយនៅខាងក្រៅជាមួយជីន ទើបបណ្ដាលឲ្យជីនដកដង្ហើមធំទាំងតានតឹងចិត្តព្រោះថេយ៉ុងនាំប្រពន្ធមកដេកខនដូគេមិនទាន់បានមួយអាទិត្យផងក៏ឈ្លោះគ្នាបីដងទៅហើយ
"យំធ្វើអី? គ្មានជួយស្អីនាងកើតទេ, ខ្ញុំអង្គុយត្រង់នេះបានឮគ្រប់យ៉ាងហើយថានាងនឹងអាថេយ៍និយាយអីខ្លះ" ជីនលើកស្រាក្រហមមកក្រេបបន្តិចមុននឹងនិយាយបន្ត
"ដែលវាមិនប្រកាសប្រាប់ថានាងជាប្រពន្ធក៏ល្អទាំងសងខាងហើយ ព្រោះថាវាមិនទាន់ដាច់ស្រេចគ្នាជាមួយយូណា ហើយគ្រួសារយូណាក៏មានឥទ្ធិពលមិនតិចដែរក្នុងសង្គមនេះ, នាងគិតទៅបើសុខៗគេដឹងថានាងជាប្រពន្ធអាថេយ៍ ទាំងនាងទាំងវាសុទ្ធតែរងគ្រោះថ្នាក់, យូណាគ្មានកំហុសអីដែលត្រូវសុំបែកនាងទេ" ជីននិយាយហូរហែរសុទ្ធតែពាក្យពិតនិងមានហេតុផលយកមកប្រាប់ជូលីយ៉ាឲ្យនាងបានដឹង អាចថាមកពីនាងខឹងពេក ហើយគេក៏មិនដឹងដូចគ្នាថាថេយ៉ុងបានទៅធ្វើស្អីមក បានជាមកដល់ផ្ទះស្រែកឡូឡា សភាពដូចឆ្កែធ្លាក់ទឹកបែបនេះ
"អ្ហឹក ខ្ញុំបានផ្ទាល់នឹងភ្នែកថាពួកគេបឺតមាត់គ្នាក្នុងបន្ទប់ធ្វើការ"
"ហាស ហា អាថេយ៍នេះហេ ដែលបឺតមាត់យូណា? ខ្ញុំប្រាប់ឲ្យដឹងចុះ ជាសង្សារគ្នា3ឆ្នាំហើយ វាមិនដែលទាំងកាន់ដៃយូណាផង ខលរកក៏មិនដែលដែរ, កុំសូវជឿអ្វីដែលបានឃើញពេក" ជីននិយាយចប់ស្របពេលដែលស្រាក្រហមអស់ល្មម ទើបជូលីយ៉ាជូតទឹកភ្នែកស្អាតបាតហើយក៏ដើរចូលបន្ទប់វិញ
ជូលីណាដើរចូលបន្ទប់ដើម្បីងូតនិងផ្លាស់សម្លៀកបំពាក់ដែលកខ្វក់ចេញ ហើយដើរចេញមកវិញក៏ប្រទះឃើញថេយ៉ុងដេកបែរខ្នង នាងដាក់បង្គុយនៅទល់មុខទូរសម្អាង យកឡេតិចតួចមកលាបលើស្បែកខ្ចីល្វក់របស់នាងមិនបានចាប់អារម្មណ៍មើលកញ្ចក់ព្រោះរវល់តែឈ្ងោកមុខលាបភ្លៅ
"អាយ" ជូលីយ៉ាភ្ញាក់ព្រើតពេលដៃមាំមួយគូរលូកអោបចង្កេះនាងពីក្រោយហើយដាក់មុខនៅប្រលោះករបស់នាង
"បងសុំទោស" ថេយ៉ុងជ្រប់មុខនៅប្រលោះកថើបពីរបីខ្សឺតក្រអូបពេញច្រមុះ
"បងស្រលាញ់អូន, ស្រលាញ់តែអូនម្នាក់ទេ" ថេយ៉ុងនិយាយសម្លេងក្ងួរៗដូចចង់យំតែមិនបានយំ ខ្លួនទន់ល្អូក មុខក្រហមងាល
"បងស្រវឹងមែនទេ?" ជូលីយ៉ាបែរមុខទៅប្រឈមមុខនឹងគេហើយក្ដោបក្រសោបមុខគេមើលឃើញថាស្រវឹងឡើងធ្លាក់ភ្នែកទៅហើយ ទើបនាងគ្រាហ៍គេឲ្យងើបយកទៅដាក់លើពូក
"បងសុំទោសណា បងគ្មានបំណងទេ" ថេយ៉ុងនិយាយបើកភ្នែកព្រឹមៗចាប់ដៃនាងមកថើប
"ប្រពន្ធសម្លាញ់" ថេយ៉ុងនិយាយបណ្ដើរសើចហឹសៗបណ្ដើរហើយលើកដៃអង្អែលថ្ពាល់នាងធ្វើឲ្យជូលីយ៉ាក្រហមមុខដូចម្ទេសទុំ
"ពេលស្រវឹងធ្វើជាសម្ដីផ្អែម"
_______________________
ផ្អែមតែពេលបងស្រវឹងទេ🤣
រ៉ូសស្ស៊ី
YOU ARE READING
ស្វាមីផ្ដាច់ការ (ចប់)
Romanceដោយសារតែគំនិតឆ្កួតឡប់របស់គេ ស្ទើរតែធ្វើឲ្យបាត់បង់មនុស្សស្រីជាទីស្រលាញ់ "បងសុំទោស ជូ" ថេយ៉ុងមហាសេដ្ឋីវាល់លានបន្ទន់ជង្គង់ផ្ទាល់នឹងឥដ្ឋពីមុខស្រ្តីម្នាក់ដែលមានឈ្មោះថាអតីតកូនបំណុល ជាមនុស្សស្រីដែលថេយ៉ុងបានបំផ្លាញគ្រប់យ៉ាងដែលជារបស់នាង ប្រើប្រាស់នាងប្រៀបដូច...
