ជូលីយ៉ាសម្រូតខ្លួនត្បោមជង្គង់អង្គុយយំ នាងមានអារម្មណ៍ថាខ្លួនឯងជាមនុស្សនាំរឿង ពាក្យសម្ដីដែលគេនិយាយមុននេះគឺមើលងាយគ្រួសាររបស់នាង នាងមិនដឹងថាគ្រួសារនាងមានរឿងអីពាក់ព័ន្ធនឹងថេយ៉ុងទេបានជាធ្វើឲ្យគេគុំគួនស្អប់ដល់ថ្នាក់នេះ
យប់
ជីនដើរចុះដើរឡើងមិនដឹងថាគួរទៅដេកនៅទីណា គិតយ៉ាងយូរទើបសម្រេចចិត្តទៅគោះទ្វារបន្ទប់ជូលីយ៉ាកំពុងដេក
តុក តុក តុក
"អ្នកនាងហា ខ្ញុំត្រូវការដេក ទៅដេកជាមួយប្ដីអ្នកនាងវិញទៅ" ជីនស្រែកហៅឡើងពីរបីដងតែនាងមិនតប គេនិយាយឡើងដូចនិយាយជាមួយគល់ឈើ កាន់តែនិយាយកាន់តែអត់ប្រយោជន៍ទើបគេសម្រេចចិត្តដើរទៅគោះបន្ទប់ថេយ៉ុងម្ដង
តុក តុក តុក
"អាថេយ៍ហា" ជីនស្រែកហៅថេយ៉ុងម្ដងតែថេយ៉ុងមិនឆ្លើយនឹងគេ គិតទៅម្ចាស់ផ្ទះប្រហែលត្រូវលះបង់បន្ទប់ឲ្យភ្ញៀវដេកហើយ
"បើឯងមិនបើក យើងទៅដេកជាមួយប្រពន្ធឯងហើយ" ជីននិយាយលថេយ៉ុងតែក៏បានផល ថេយ៉ុងបើកបន្ទប់ហើយដើរធ្វើមុខងាប់ចូលរកគ្រែដេកដោយមានជីនដើរតាមពីក្រោយ
ជីនមិនហ៊ាននិយាយច្រើនក្រៅពីប្រាស់ខ្លួនបិទភ្នែកសម្ងំដេកដោយមានថេយ៉ុងរើរចុះឡើងនៅមិនសុខ ដេកមិនលក់តែគេក៏មិនធ្វើថោកទៅលួងនាងមុនដែរ កុំសង្ឃឹម
ព្រឹកព្រហាមជូលីយ៉ាដើរមករកផ្ទះបាយដើម្បីជួយធ្វើម្ហូបទាំងមុខក្រញ៉ូវ យប់មិញនាងដេកមិនលក់ថែមទាំងយំទៀតទើបបណ្ដាលឲ្យភ្នែកហើមស្បុលសឹងបាត់គ្រាប់ភ្នែក
"ថេយ៉ុងហា ឯងគិតទៅវិញពេលណា?" ជីនពាក់ខោអាវយ៉ាងសង្ហារដើរចេញពីបន្ទប់មកអង្គុយតុបាយ
"ប្រហែលទិញខនដូមួយទុកដេកហើយ" ថេយ៉ុងដើរតាមក្រោយបង្ហួសទៅអង្គុយសាឡុងមុខទូរទស្សន៍ និយាយថាទិញក៏ទិញព្រូស ពីរអ្នកបងប្អូនគេនឹងចាយលុយដូចក្រដាស
"អូហូយ អាអ្នកមាន" ជីនពែបមាត់ពែបកដាក់ប្អូនតែក៏ភ្ញាក់ព្រើតក្រោយជូលីយ៉ាទម្លាក់ចានបាយមួយទំហឹងដាក់លើតុ
"នែនាង ដាក់ចានថ្នមៗមើលទម្លាក់ចានបាយឲ្យបងខ្ញុំដូចទម្លាក់ឲ្យឆ្កែស៊ី" ថេយ៉ុងតាំងចិត្តរករឿងឈ្លោះជាមួយជូលីយ៉ា សម្ដីថេយ៉ុងធ្វើឲ្យជូលីយ៉ាខឹងញ័រសាច់ នាងមិនមែនជាមនុស្សបែបនេះតែមួយរយៈក្រោយនេះនាងឆាប់មួម៉ៅច្រើន ពេលខ្លះក៏ឃ្លានខ្លាំងតែពេលខ្លះក៏រកក្អួតចង្អោរគ្មានហេតុផល រដូវក៏បាត់យូរហើយ
"ទំនងបែបនឹងហើយ" ជូលីយ៉ាសម្លក់មុខថេយ៉ុងហើយក៏ដាក់គូទអង្គុយពីមុខជីន
"បានហើយៗ ឈប់ឈ្លោះគ្នាទៅ មកអាថេយ៍ញ៉ាំបាយ" ជីនខំនិយាយសម្របសម្រួលពួកគេទាំងពីរតែហាក់ដូចមិនបានជួយអ្វីសោះ ភ្លើងកំពុងឆេះហើយនៅញាត់អូសបន្ថែមទៀត
"មិនញ៉ាំទេ ព្រោះខ្ញុំមិនមែនឆ្កែ" ថេយ៉ុងស្រែកទាំងខឹងក្ដៅក្រហាយទាំងព្រឹកថែមទាំងដើរមកទាត់តុបាយរួចក៏បង្ហួសចូលបន្ទប់ដេកបាត់ធ្វើឲ្យអ្នកអង្គុយនៅតុបាយអួលហូបបាយលែង ទោះឃ្លានសឹងដាច់ពោះក៏ត្រូវឆ្អែតដែរ
"មិនគិតលួងប្ដីទេហ៎?" ជីនចាក់ចេកចាក់ស្ករតែក៏ត្រូវជូលីយ៉ាលេងម៉ាស្ពឹកមុខ ចុកឈីបៗដល់ពោះវៀន
"ចង់លួងក៏ទៅលួងខ្លួនឯងទៅ" ជូលីយ៉ាគោះតុមួយទំហឹងខឹងឡើងហឹងស្លឹកត្រចៀក ភ្លែកសស្លែតសម្លឹងសម្លក់មុខជីនធ្វើឲ្យជីនបុកពោះដឹបៗខ្លាចស៊ីក្បាលម៉ាចានបាយ
____________________
រ៉ូសស្ស៊ី
YOU ARE READING
ស្វាមីផ្ដាច់ការ (ចប់)
Storie d'amoreដោយសារតែគំនិតឆ្កួតឡប់របស់គេ ស្ទើរតែធ្វើឲ្យបាត់បង់មនុស្សស្រីជាទីស្រលាញ់ "បងសុំទោស ជូ" ថេយ៉ុងមហាសេដ្ឋីវាល់លានបន្ទន់ជង្គង់ផ្ទាល់នឹងឥដ្ឋពីមុខស្រ្តីម្នាក់ដែលមានឈ្មោះថាអតីតកូនបំណុល ជាមនុស្សស្រីដែលថេយ៉ុងបានបំផ្លាញគ្រប់យ៉ាងដែលជារបស់នាង ប្រើប្រាស់នាងប្រៀបដូច...
