ជូលីយ៉ាឈរផ្អែកនឹងបង្កាន់ដៃសម្លឹងមើលទ្វារបន្ទប់ទឹកមុននឹងញញឹមតិចៗ នាងចូលចិត្តគេខឹងពេលដែលមានប្រុសៗមកតាមញ៉ែញ៉ងនាង ពូកែរករឿងនាង ស្ដីឲ្យនាងខុសរឿង កាន់តែគិតកាន់តែអស់សំណើច
ព្រឹកថ្មី
ថេយ៉ុងជាអ្នកបើកឡានដោយផ្ទាល់ដឹកជូលីយ៉ាចេញពីទឹកដីចម្ការសម្ដៅមកក្រុមហ៊ុនតែម្ដង ព្រោះការងារនៅក្រុមហ៊ុនកំពុងគរដូចភ្នំហើយ មិនអាចទុកចោលទៀតទេ តែពេលគេឡើងទៅដល់ត្រូវបានឃើញអ្វីដែលមិនគួរឃើញទៅវិញ
"ឯងមកធ្វើអី?" ថេយ៉ុងបោះសម្ដីទាំងគំរោះគំរើយដាក់អ្នកកំពុងឈរសំកាំងពីមុខបន្ទប់របស់គេទើបជីមីនដើរតិចៗមករកគេ
"មកយករបស់ដែលឯងលួចទៅនោះអី" ជីមីននិយាយខ្សឹបដាក់ត្រចៀកថេយ៉ុងហើយដើរបំបុកស្មារបស់គេ តែត្រូវថេយ៉ុងចាប់គេជាប់
"ចេញពីក្រុមហ៊ុនយើងឥឡូវនេះ" មួយដៃចំថ្គាមខាងឆ្វេងរបស់ជីមីនធ្វើឲ្យជីមីនដួលមួយជំហរទៅលើឥដ្ឋ
"ថេយ៉ុង!! ធ្វើស្អី?គេជាដៃគូរគម្រោងការផ្ទះវីឡាថ្មីរបស់ពួកយើង" លោកចាងដើរចូលដោយមានកាន់ឯកសារសំខាន់ជាប់នឹងដៃ មកឃាត់ក្មួយចិញ្ចឹមដោយឬកពារអន្ទះសារ
"ខ្ញុំមិនធ្វើការជាមួយវា" ថេយ៉ុងឡើងទ្រោបពីលើជីមីនដាល់យកៗធ្វើឲ្យបុគ្គលិកចូលមើលឈូឆរ ពួកគេវាយតបគ្នាដោយពេលនេះជីមីនកំពុងនៅលើថេយ៉ុងទោះលោកចាងខំហាមយ៉ាងម៉េចក៏អ្នកណាស្ដាប់
ជូលីយ៉ារត់មកមើលថាហេតុអីមនុស្សមិននាំគ្នាទៅធ្វើការ នាងវែកចូលមើលទើបឃើញជីមីនកំពុងដាល់ថេយ៉ុងឈាមក្រហមពេញមាត់។ នាងឈររលីងរលោងទឹកភ្នែកមុននឹងរត់ទៅច្រានជីមីនតែត្រូវជីមីនច្រានមួយទំហឹងដោយមិនដឹងថាអ្នកណា
"ជូលីយ៉ា" ថេយ៉ុងក្រលេកឃើញជូលីយ៉ាបោកក្បាលនឹងការ៉ូទើបច្រានជីមីនចេញហើយវារទៅលើកនាងឡើង
"អ្ហឹក" ជូលីយ៉ាយំសស្រាក់ក្រោយពេលឃើញមុខរបស់ថេយ៉ុងសុទ្ធតែឈាម គាប់ជួនល្អដែលជីនមកលេងថេយ៉ុងល្មមទើបគ្រាហ៍ថេយ៉ុងចូលបន្ទប់ជាមួយជូលីយ៉ាបាត់
ក្រឹប
ជូលីយ៉ាកឹបទ្វារបន្ទប់ថេយ៉ុងជាប់មុននឹងស្ទុះទៅយកប្រអប់ពេទ្យពីក្នុងទូរក្នុងបន្ទប់ នាងមកអង្គុយពីមុខគេទាំងទឹកភ្នែកហូរកាត់តាមថ្ពាល់របស់នាង នាងយកដៃទាញសំឡីជ្រលក់ថ្នាំផ្ដិតកន្លែងរបួសតិចៗខ្លាចថាគេឈឺ ឃើញគេឈាមរហាមបែបនេះនាងក៏ឈឺដូចគ្នា
"ហើយឯងទៅមានរឿងស្អី"ជីនឃើញបែបនេះអត់មិនបាននឹងសួរប្អូន តាមចិត្តក្ដៅចង់តែទៅវាយអាម្នាក់នៅខាងក្រៅថែមឲ្យបែកក្អួតទេ
"យប់នេះខ្ញុំទៅរកបង" ថេយ៉ុងមិនឆ្លើយនឹងសំនួរជីន ព្រោះហេតុផលគឺមិនចង់ឲ្យជូលីយ៉ាដឹង គេមិនចង់ឲ្យជូលីយ៉ាបានជួបនឹងជីមីន រឿងរ៉ាវនាងនិងគេកំពុងតែដំណើរការបានល្អ មិនអាចឲ្យអ្នកផ្សេងមករញ៉េរញ៉ៃបានទេ
"នាងឈឺទេ" ថេយ៉ុងលូកដៃស្ទាបក្បាលនាងដែលពោក បើគេមិនឃើញនាងដួលបោកក្បាលទេ គេក៏មិនព្រមចុះញ៉មជីមីនដោយងាយៗដែរ គេបារម្មណ៍ពីនាងជាងបារម្មណ៍ពីខ្លួនឯងទៅទៀត
"អ្ហឹក ឈឺណាស់គឺឈឺត្រង់នេះ ពេលឃើញលោកបែបនេះហើយខ្ញុំឈឺខ្លាំងណាស់អ្ហឹក" ជូលីយ៉ាយកដៃមកដាក់លើទ្រូងខ្លួនឯង នាងមិនបានចាប់អារម្មណ៍លើរបួសខ្លួន អ្វីដែលនាងចាប់អារម្មណ៍គឺមនុស្សដែលកំពុងអង្គុយពីមុខនាងទៅវិញទេ
"សុំទោស" លើកទីមួយហើយដែលគេមានអារម្មណ៍ថាខុសចំពោះនាង គេធ្វើឲ្យនាងឈឺចាប់ នាងយំព្រោះគេជាច្រើនដងហើយ គេពិតជាគ្មានបានការខ្លាំងណាស់
"លោកឈប់មានរបួសបានទេ" ជូលីយ៉ាលាបរបួសគេទាំងញញើតដៃ ទឹកភ្នែកហូរកក្លាក់ មុខប្រែជាក្រហមដោយសារតែយំច្រើនពេក
"នាងនៅស្រលាញ់វាទេ?" ថេយ៉ុងសួរនាងទាំងភ័យខ្លាចនឹងចម្លើយដែលនាងប្រគល់ឲ្យគេ ខ្លាចថានាងនៅស្រលាញ់អ្នកផ្សេងជាងគេ ខ្លាចនាងបែងចែកក្ដីស្រលាញ់របស់នាងមិនដាច់
"បើខ្ញុំស្រលាញ់គេ ម៉េចនឹងអាចមកអង្គុយលាបរបួសឲ្យលោកបាន?"
_____________________
បើបារម្មណ៍ពីគេបែបនេះ កាលណាសារភាព ចាំឲ្យអ្នកផ្សេងយកបាត់បានសមមុខ🙂
រ៉ូសស្ស៊ី
YOU ARE READING
ស្វាមីផ្ដាច់ការ (ចប់)
Romansaដោយសារតែគំនិតឆ្កួតឡប់របស់គេ ស្ទើរតែធ្វើឲ្យបាត់បង់មនុស្សស្រីជាទីស្រលាញ់ "បងសុំទោស ជូ" ថេយ៉ុងមហាសេដ្ឋីវាល់លានបន្ទន់ជង្គង់ផ្ទាល់នឹងឥដ្ឋពីមុខស្រ្តីម្នាក់ដែលមានឈ្មោះថាអតីតកូនបំណុល ជាមនុស្សស្រីដែលថេយ៉ុងបានបំផ្លាញគ្រប់យ៉ាងដែលជារបស់នាង ប្រើប្រាស់នាងប្រៀបដូច...
