السودان ... جامعة الجزيرة ... 02:30 PM
ثلاث بنات يجلسون تحت شجرة ويدور بينهم نقاش ...
- اها يا بنات ح نمشي الليلة شقة منو في الشباب؟!
** والله يا عزة م معرووف خلونا ننتظرهم يجونا ونشوفهم ح يودونا وين
- اتأخروا شديد الليلة مالهم بكونوا
** مالك الليلة مستعجلة ولا مشتاقة لي زوجك قرة عينك كان م امبارح كنتي معاهوو
- هدي براك قلتيها زوجك
** ف النهاية زواج عُرفي ما تشطحي بعيد
- ح نعلنوا قريب مالك انتي محسساني انك م متزوجة عُرفي
** معترفة يختي لكن م واقفة عليهوو عندي بدليووو كتااار
- بري انا مكتفية يختي
** الله يزيد ويبارك ،، اسمعيني يا عزة
- اهااا ،، جاتها قرصة حارة ،، مالك ياخ بتقرصي يا سجم ،، اشرت ليها على التالتة الكانت قاعدة معاهم وبالها بعيد منهم ما مركزة من قعدوا نظام دي مالها الليلة ،، ردت ليها عزة برفعة كتف وقوست خشمها لي تحت بمعنى انا عارفة اسأليها
** فيوووح مالك الليلة يا بت
* ااااا مممم اقصد مالي مافيني شئ
- النبي ،، كدي شوفي نفسك مالك سرحانة من قعدنا هنا
* مالكم الليلة م سرحانة ولا اي شي
- طيب كنا بنقول ف شنو؟!
* خلوني ف حالي الفيني مكفيني
** خليها يا عزة يمكن متشاكلة مع زوجها الحبيب
* احسن شي اقوم اتخارج منكم
- تتخارجي وين اسي ديل بجو نقول ليهم شنو يعني م ماشة معانا الليلة
* م عندي نفس لي اي شي وم ماشة مكان خلوني ف حالي احسن يلا سلام شالت شنتطها وطلعت
بعد طلوعها بدقايق وقفوا تلاتة عربات ونزلوا منهم تلاتة شباب بتشابهوا بس م شديد ،، خطوة ورا خطوة لحدي م وصلوا محل البنات سلموا عليهم
واحد من الشباب كان بعاين زي كأنو بفتش عن شي لاحظت ليهو عزة طوالي قالت ليو م تتعب نفسك فيوح فاتت الليلة شكلها م رايق نهائي قال ليها فاتت؟؟ متين الكلام دا قالت ليو قبل شوية كدي اتصل م بتكون وصلت محل ماشة قال ليها طيب انتو امشو وانا بشوفها وبنجيكم وفعلا طلعوا
رفع تلفونو بيتصل ماف رد قريب تلاتة مكالمات ماف رد ف النهاية بديهو مغلق قال ف نفسو مالها الحاصل عليها شنو معقولة عشان شاكلتها امس كويس يا فيحاء كويس
فيحاء ••
مرت ثلاتة سنوات ثلاثة سنة وانا لسة ماشة ف الدرب الغلط ، نفس الدرب الغطس حجر امي وناس كتار حياتهم اتدمرت بسبب الدرب دا ، حتى بعد امي ماتت م قادرة اشيل المنظر الشفتو فيها هو نفس المنظر الخلاني امشي ف الطريق دا ، طيب اهو امي ماتت مش المفروض المنظر يموت معاها ! لا طبعا انا القررت اخليهو حي ، انا القررت طريقي وانا البتحمل النتيجة
خلوني احكي ليكم الحصل شنو ف حياتي البائسة...
بعد وفاة امي ابدا م اتهزت لي شعرة وللان م متأثرة بي وفاتها وم حصل حسيت بزول فاقدها يمكن دي جزاتها
