على سرير أبيض في غرفة الإنعاش كانت الأجهزة تحيط بها من كل الجهات وصوت نبضات قلبها يستمر بطريقة منتظمة جدا ..
اقترب منها جدا وكانت المسافة بينهما خطوتين فقط اقترب أكثر ف أكثر حتى وصل رأسها وقبّل جبينها ..
** حظي الحلو 🖤 ما نفسك تقومي بعدا ! نُمتي بما فيه الكفاية خلاص بعدا اصحي انا مشتاق ليك ..
مشتاق لي صوتك ولي كلامك مشتاق لي ملامحك الخجولة لمن تكوني جمبي مشتاق لي توترك البلا سبب مشتاق لي كل حاجة بتخصك ..
يمكن تصحي لمن تسمعي الخبر الحلو دا ،، الخبر الكنا منتظرنو بفارغ الصبر ايوا يا لقاء بقينا حلال بعض أو خليني اعيشك الاحساس واقول ليك
" بقيتي مرتي وحلالي ،، مبروكة علي🖤🌸 "
ايوا الليلة يوم عرسنا وانا اصريت نعقد عشان تتحسن حالتك وبعد تقومي لي بالسلامة نعمل احلى عرس و ...
سكت لما لاحظ لي زيادة ف تنفسها ، بطلع وبنزل بسرعة ويدها اليمين بتتحرك بقى بكورك للدكتور وماسك يدها البتتحرك ،، حس بيها مسكت يدو قوي وفجأة فتحت عيونها ورجعت غمضتها ..
_____
لقاء ••
كنت قاعدة تحت شجرة نخيل ماسكة دفتر رسم وجمبي كمية من الألوان بعاين لي الطبيعة الجمبي بتمعن عشان ارسمها
جبل عالي وشلال مياه زرقاء الحشائش الخضراء والورود الزاهية الملونة بشتى أنواعها
مسكت الألوان واندمجت ف الرسم فجأة سمعت صوت بعيد بنادي في اسمي ختيت الدفتر بالجمبة واتلفت ما لقيت زول
تاني اتكررت الحركة انتبهت لي زول واقف ف نص النهر وموية الشلال نازلة فيهو
وقفت على حيلي مشيت خطوتين وانا خاتة يدي فوق لي عيوني محاولة تكبير الصورة عشان اشوف ملامح الوجه
دققت شديد لقيتو ابوي كان رافع يدو بقول لي تعالي فرحت جدا ومشيت عليهو بلهفة
وصلت حافة النهر مديت رجلي عشان ادخلها جوا الموية ف صوت من وراي وقفني
" حظي الحلو 🖤 "
اتلفت بسرعة ولقيتو إياد فاتح لي يدينو الاتنين وهو مواصل كلامو
" بقيتي مرتي وحلالي ،، مبروكة علي "
اتراجعت خطوتين من النهر قبلت على اياد وانا حابسة دموع الفرح مشيت خطوتين عليهو وقفني صوت ابوي من وراي
" م تمشي يا لقاء تعالي معاي احسن ليك انا ابوك اسمعي كلامي "
اتلفت على ابوي واتراجعت من إياد خطوتين وقفني صوتو وهو بقول لي
" الليلة عرسنا ح تخليني بعد العقد تم ! انتي م جبانة عشان تتخلى عني ف اخر لحظة "
من دون احس لقيت نفسي جريت عليهو وحضنتو ،، باس راسي ومسك يدي ومشينا بعد قال لي
