لندن 10:00 AM
بيت المدينة ،، كان حاجة كدا خرافية ما شاء الله لندن كلها حلوة يخوانا ،، رحلنا الليلة البيت كان مختصر غرفتين وصالة ومطبخ وحمام لكن ديكورو خرافي شدييد رتبت الملابس ف الخزانة طوالي مع سراج وماف موضوع كان لانو هو عندو كورة انا شلت تلفوني دخلت الغرفة اتصلت على إياد فيديو كول م عارفة بس لقيت نفسي عايزة اتكلم معاهو وبس ..
- البت العرست ونست أبوها لو عارف سراج ح ينسيك لي م كان اديتك ليهو
* هييي انا مشتاقة اتكلم معاك وانت بتقول لي كدا؟
اقفل زاتو م عايزة كلام معاك يا ثقييل
- م خليتي هبالتك دي يا عويرة قلت ليهو فعلا عويرة الخلاني اتصل عليك شنو يلا اقطع وششك قال لي اقيفي اقيفي يا هبلة مشتاق ليك وكدا قلت ليهو علشان كدا بتتصل علي كل يوم قال لي ح اكون ثقيل ومتحشر لو اتصلت عليك ف ايامك الفاتت قلت ليهو م فرقت انت كيف وطل امس تخرجها صاح؟
قال لي اي والعرس ح نحددو بس ترجعو باقي ليكم اسبوع صاح؟ قلت ليهو صراحة يا إياد ح نقعد تاني تلاتة شهور سراج حصل ليهو ظرف وح ينزل مستشفى هنا ،، ف اللحظة دي سراج جا داخل الغرفة وسمعني ،، واصلت كلامي ف ح نضطر نقعد لحدي م ربنا يفرجها قال لي كيف يعني ؟؟؟
عرسي يتأجل تلاتة شهور علشان خاطر عيونك؟
يعملوا طوالي م شغلتي بيك اقعدي مع سراج حقك دا ويلا مع السلامة قفل الخط فيني الأهبل 😹
سراج قال لي مالك رميتي اللوم علي غالبك تقولي ليهو انك حامل؟ قلت ليهو اوريهو كييف يعني بخجل طبعاً من شهر عسل طوالي حامل دا كلو ب سببك 😭 قعد يضحك وقال لي وانا ذنبي شنو شلتو ختيتو ليك ف بطنك بالغصب ضربتو ف صدرو مسك يدي وقال لي خلينا من الهبالة عايز اقول ليك حاجة ممكن م تتكلمي مع إياد بدون تغطي راسك؟
استغربت من كلامو وقلت ليهو وين الجديد ف الموضوع إياد أنا قدامو كدا من عمري يوم وهو أبوي وأخوي قبل أي شي قال لي عارف اي شي م الا تقولي لي بس برضو بفضل راجل وغريب عنك صاح ؟
سكت م رديت ليهو قال لي ف علشان كدا قلت ليك لأني م عايز حد يشوفك كدا عايزة ازح منو مسكني عليهو شدييد وقال لي م رديتي لي طييب؟
قلت ليهو بصوت خافت حاضر، قال لي حلاتو البسمع كلامي قلت ليهو سراج انا م شافعة لو متذكر قال لي لو بقيتي عمرك مية سنة برضو ف نظري شافعة واسي انا محتار اربيك ولا اربي ولدنا الجاي قلت ليهو العرفك شنو انو ولد احتمال بت قال لي كلو واحد بس المهم الخلقة التامة وتولدي بالسلامة قلت ليهو انا خايفة قال لي انا معاك قلت ليهو حاليا معاي بس بعدين ف الغرفة م ح تكون معاي قال لي ح اكون معاك وماسك إيدك لمن تولدي م ح افكها حضنتو شديييد وقلت ليهو لو جا ولد ح اسميهو خالد قال لي خالد!!!!!
قلت ليهو المريض الاتوفى داك بس ف يوم كان بتونس معاي قال لي ح يجي يوم وتحبي واحد وتجيبي منو اولاد قلت ليهو مستحيل يحصل قال لي ح يحصل وساعتها لو جبتي ولد سميهو خالد..
