لقيت نفسي ارتحت نفسياً بعد خلصت كلامي ،، أبداً م حاول يقاطعني خلاني كملت الفي قلبي كلو حتى قال لي:
"الحياة مُتعِبة جداً لكن بالصلاة حرف الباء يسقط"
جملتو دي م نسيتها طول عمري ،، واصل كلامو مهما قلت ليك م بقدر اخفف بس انا بوعدك طول ما فيني نفس ح اعمل على اني أصلح كل خدش ف قلبك وبعوضك كل شعور سيئ عشتيهو ،، بكون متطمنة شديد وانا معاهو يخوانا حقيقي يا بختي بيهو شدييييد🖤
الليلة انا طالعة من باب المناقشة لقيت سلوان واسينات مؤيد وسراج اخواني وحتى إياد واقفين لي كنت ببكي من الفرحة ووقعت حضن ف إياد طوالي ..
يومين تلاتة اسبوع والليلة التخرج فعلا م اتخرجت بس حضرت الزفة والحنة وحتى الرحلة مشيت بس م اتخرجت بعديها طوالي بقيت فررررررري والحياة بدون قراية سمحة💃
بديت تجهيزات العرس من شيلة لي حبسة لي غيرو الفترة دي مشكاة وريل منتظرين نتيجتهم أما ريلان وغصون خلصوا أولى ومؤجزين سلوان واسينات معاي كل يوم من سوق لي سوق زينب وزلفة بجوني كل فترة مؤيد سافهاهو وهو متغاظ من الحتة دي شديد 😹
إياد من يوم المناقشة م رجع قال لي اقوليك عايز اعرس تحميني وتعرسي انتي قلت ليهو ارح نعرس سوا قال لي بنتظرك تمشي وتجي لانو لسة قالت م جاهزة بعد شهرين تلاتة بتكوني جيتي قلت ليهو هو انا اصلو ماشة وين قال لي المهم بس بعد النقاش دا عشوش طردتو مع ناس رئبال😹
وطبعا مع وجود اسينات ممنوعة من الكلام مع سراج خالص الا للضرورة وهو متجرس شدييد يوم وأنا بعد قمت من الحبسة جوني زلفة وزينة وزينب معاهم زرابي ومنى علشان يحنسوني ألبس زفاف بس انا كنت رافضة تماماً قالوا لي حتلبسي شنو قلت ليهم تووب اسينات قالت ليهم بس خلاص تطلع بي توبها زاتو قلت ليهم اطلع وين سراج م عامل حفلة اصلا زينة قالت لي يحلييلك نحن الساوند م بنزل من البيت الا صبحية العرس يعني اجهزي ساي قلت ليهم غايتو بشوف زينب قالت لي طيب انتي البسي التوب بالليل ووقت العقد م تطلعي قلت ليها خلاص طيب كملو مقيلهم على كدا فاتو..
المسا اتصلت علي دعوات كنت زعلانة شديد لأنها م معاي قالت لي اها التجهيزات ماشة كييف قلت ليها خلصنا الشيلة وجابوها امس والدخان ح اوقفو بكرة باقي اسبوعين للعرس حيطلع؟
قالت لي انتي اتحبستي اسبوع ح يكون بسيط وبطلع بس اجتهدي قلت ليها طيب ،، قالت لي والله زعلانة شديد اني م ح اكون معاك بس الله غالب لكن اول فرصة تجي ح انزل السودان قلت ليها دعوات م تجازفي دابك ف التالت ربنا يسهل عليك وحنكون بالتلفون
قفلت منها دخلت لي طل ولولو فيديو كول قالت لي العروس الليلة كييفك قلت ليها طل م تسأليني ح تعرفي براك قربتي قالت لي ميين انااا نوووو طبعا سمعت صوت هنو بتقول لي سمرر خليها انا ح انزلها السودان وحبوبتها ح توري ليها براك عارفة حبسة الحبووبات قعدت اضحك عليها لأنها كانت جادة بتقول لي امها خليت العرس لو حبوبة ح تحبسني اتونسنا مسافة وفصلت منهم على طول نمت..
