"تسارع أحداث"
عدت فترة تلاتة شهور انا دخلت ف التامن ب اسبوع حركتي بقت قليلة شوية لان وجع الظهر زايد، بس بالرغم من كدا اصريت على سراج ونزلت المستشفى بتذكر قبل شهرين لمن وافق ومشينا اول مرة مع بعض مكتبي كان قصاد يمين مكتبو " د.سمر مختار
نائب أخصائي جراحة"
كان باللون البمبي وكل شي فيهو بفتح النفس كان مكمل على اكمل وجه، م كنت بطلع منو الا لمن يكون ف عملية بدخل مع سراج أو مؤيد البقى أخصائي لانو كان تحت التدريب فترة أطول مني لو لمن احس ب مغص او حاجة كدا بمشي قسم التوليد زي ما حصل معاي الليلة..
"د.إيمان محمد
اختصاصي نساء وتوليد"
- سمررر القمر كييفك اليووم؟
* إيمان ككيفك والله ظهري دا التقول افصلو من جسمي بعدا بس م قادرة اكلم سراج ح يوقفني من الشغل وأنا م صدقت بقيت اتحرك واتعلم قالت لي ح نعمل فحص ل حالة وموقع الجنين احتمال ظاغط على مكان غلط بما انو كل فحوصاتك نظيفة بس كدي حاولي اتذكري لي عملتي اي حركة غلط أيام حملك؟؟
قلت ليها م قاعدة اعمل اي شي المشكلة النظافة زاتها بتساعدني مي وأغلب الأوقات بكون معاهم والأكل طبعا عارفة سراج م بتوقف فيهو قالت لي م بالضرورة الفترة دي انا بتكلم ليك عن من بداية الحمل قلت ليها بحاول أتذكر غايتو..
طلعت منها جيت مارة ب مكتب مؤيد كان فاتح وهو سرحان..
" د.مؤيد عز الدين
أخصائي باطنية "
طقطقت ليهو ف وشو ع اساس ألفت انتباهو..
قلت ليهو سرحان وين؟؟
عاين لي وسكت جريت كرسي وقعدت جمبو قلت ليهو تاني رفض؟؟
قال لي ابوها دا لي بعمل كدا؟
اشمعنى يعني انا اصغر منها بس انا عارف سبب رفضو شنو علشان هو م ببقى لينا وخالتو مروة دي اصلا عمرها كلو بتخاف منو لانو بهددها بالطلاق وهي خايفة لشنو م عارف أهلها قاعدين وبشيلوها ف رأسهم يمكن خايفة ترجع ليهم ويرجعوا يذكروها انها عرستو غصب عنهم بس الحب بعمل اكتر من كدا ويا ريت هو لو عرف قيمتها مشى عرس بت اهلو لانو حسب فهمو خالتي م قدرت تجيب ليهو ولد وهو م عارف نفسو المسؤول عن تحديد النوع دا كلو انا وزينب ذنبنا فيهو شنو؟؟
قلت ليهو مؤيد بقدر م اتصدمت من كلامك بس حتة خوفها من طلاقها دا صاح،، ح تقول لي كيف انا بقول ليك انو واحدة قدامها خمسة بنات اكيد م ح ترضى أنهم يتربو بدون أب ولا كيف؟ بغض النظر عن كانت بتحبو او لا والحتة دي ماف زول بفهمها غيري طيب بالنسبة لي زينب م تيأس مش اترفضت خمسة مرات ف الشهرين الفاتو ديل تاني حاول ستة وسبعة لمن يزهج منك ويوافق مش حبك دا عافر علشان توصل ليهو ماف حاجة بالساهل بتكون سمحة اعرف الحتة دي..
عاين لي وم رد شكلو كان بفككر قطع تفكيرو تلفون من سراج وهو بقول ليهو سمر دي لو معاك قول ليها تمشي ل أيهم ف قسم التوليد زرابي جاها ألم المخاض وانت الحقني غرفة العمليات الغربية محتاج ليك ضروري ودا الحصل..
