انا سمر حاليا عمري 12 سنة تقريبا انتو عارفين قصتي اتولدت في بيت حبوبة ربنا يرحمها لمن اتوفت كنت صغيرة شديد وم بتزكرها بس من خلال كلام امي وعشوش عرفت انها كانت طيبة ايوا عشوش لأني اتعودت اناديها كدا مع امي😹 عشوش دي خالتي طبعا عندها إياد أكبر واحد ممتحن الشهادة إياد دا بالنسبة لي اكتر من أخ هو اب امان وكل شي حلو لأني مما قمت لقيتو بعاملني زي الملكة عمرو م حسسني بغير كدا انا بحبووو شديييد وبحب اسمي اشدد لانو هو السماني ليهو 🖤 وتاني في مشكاة صاح انها اصغر مني بكذا سنة بس لمن كنا صغار كانت هارشاني😹 بس حاليا هي صحبتييي شاادييد وبعديها غصون اصغر مني ب خمسة سنوات عندي اب بعرفو بالتلفون بس💔 وكل م اسأل منو بقولوا سافر ف البداية كنت مصدقة بس لمن كبرت شوية فهمت انو مستقر مع مرتو واولادو لاني اتكلمت معاهم كذا مرهه اب م بعرف عنو حاجة غير اسمو لا حصل شافني ولا حصل شفتو 12 سنة ولا كلف نفسو ينزل ولو لمرهه واحدة علشان يشوف بنتو وامها تصدقوا انو ولا مرة م حصل سمعت امي بتتكلم معاهو صاح انا بتصرف عادي بس حاسة انو ف حاجة بيناتهم وامي م حصل بينت لي حاجة بالعكس دايما كانت بتمدحو هو ومرتو وللان نفسي اشوفو واتعرف عليه بالنسبة لمستواي الدراسي فهو ممتاز ومجتهدة شديد والفضل برجع لربي وامي البتراجع لي درس اليوم باليوم بقرا في سابع وعندي صحبتين أو صديقتين ع كيفكم😹 دعوات يلا دي انسانة قريبة لي وبحبها شديد ودايما بتقول لي انو نفسها تتنقب جميلة شديد لونها فاتح وعيونها واسعات ومتوسطة والتانية لقاء انسانة مجنونة وبتحب الضحك والفي قلبها على لسانها لونها وسط بين فاتح واسمر وانا قمحية يلا هأحكي ليكم عن جنتي،، دنيتي،، راحتي،، ملجأي،، الأمان حقي،، وكل حاجة حلوة في حياتي،، ايوهه هأحكي ليكم عن امي🖤 مهما اتكلمت عنها م بقدر اوفيها حقها لانها أكبر من كدا بكتير امي بقت لي اكتر من ام واب واخ عوضتني عن حنان الأب عمرها م حسستني انو انا محتاجة لي اب امي انا بحبها شديد وكنت بشوفها بتعاني وم قادرة اعمل شي ايوة في الفترة الأخيرة دي تقريبا من قبل سنتين ملامحها بدت تتغير والتعب بان على وشها اي اكل تاكلو برجع طوالي واصلا اكلها م عليك بيهو لانو خشمها ملان سخانة م بتقدر تاكل كانت بتمشي المستشفى وانا بحلف الا اباريها ونرجع بالخيبة💔 وبرضو مشينا عملنا ليها رقية شرعية كذا مرهه وبرضو م كان ف نتيجة اضطرينا نقفل البيت ونسافر الخرطوم قعدنا كذا اسبوع وبعد فحوصات وتعب الدكتور قال انو عندها معدة وهي العملت ليها السخانة دي كتب ليها علاجات بعدها رجعنا مدني واصلت في العلاجات بعد بدت تتحسن تاني حالتها اتراجعت💔 انا كنت بموت من جوا وحاسة نفسي مكتفة كنت حاسة بخوف كبير جواي كنت خايفة اني افقدها وما قادرة اتخيل حياتي من دونها دايما ف المدرسة بكون سرحانة م بقدر اخليها وراي لاني خايفة يوم ارجع والقاها ماف💔 بس هي بتصر علي عشان كدا بمشي،، يوم ف المدرسة كنا ف البريك لقاء مشت تشتري ليها سندوتش انا ودعوات قاعدين ف الفصل كنت سرحانة وهي بتعاين لي حسيت بقرصة وهي قرصتها حارة
- آييي ياخ مالك ي قشر بتقرصي يدك دي م عرفناها يد ولا عقرب
* لي ساعتين بكلمك وانتي طرشتي اها اعمل شنو
- ولا شي خليني بس عليك الله
* سمر بدل سرحانك دا مش احسن نقوم نصلي وندعي لأمنا مع بعض ربنا يعافيها
- انا م قادرة ي دعوات والله تعبانة شديد خايفة اخسرها
وطوالي اتفقعت بالبكاء بقت تبكي معاي حضنتني وقومتني مشينا المصلى وفعلا ركعتين بس وحسيت براحة كبيرة،، الصحبات الزي دعوات نعمة 🖤
ودخل علينا رمضان واجزنا من المدرسة لرمضان امي كانت ف السرير بقوموها وبرقدوها وبقت بتنسى كتير لدرجة بتزكر يوم نادتني بعد صلاة العشاء مشيت ليها كانت قاعدة ف السرير والمصلاية مفروشة قدامها قالت لي بصلو كيف؟! بقيت بعاين ليها قالت لي بقولوا شنو ف الصلاة؟! قعدت جمبها بقيت بقرا وبصلي معاها لحدي م خلصنا مسكتني وباستني في راسي قالت لي ربنا يجعل فيك البركة يا بتي طوالي اترميت في حضنها وببكي قالت لي يا بتي م تبكي انا هديني قدامك وحتى لو ربنا اخدني م تبكي علي دايرة دعواتك بس ودايراك تواصلي حياتك وتبقي أكبر دكتورة وم تقاطعي ابوك واخوانك مهما كان حتى لو عرفتي الحقيقة م تقاطعي ابوك لانو ف النهاية ابوك وعشوش دي امك م تزعليها في يوم دايراك ناجحة في حياتك قلت ليها م تقولي كدا ي امي انتي ح تعيشي وتحضري تخريجي وتشوفي احفادك كمان ان شاء الله بس شدي حيلك وهتبقي كويسة قالت لي م معروف الكاتبو ربنا شنو نفسي في عصير ليمون قومي اعملي لي قلت ليها كويس عيوني ليك قمت مشيت المطبخ وعشان عارفة انو عندها معدة عملتو ليها خفيف م حبيت احرمها منو ورجعت اديتها شربتو واتونسنا لحدي م نامت غطيتها ورقدت جمبها ايوا برقد جمبها لحدي الآن م قادرة انوم غير ف حضنها 🖤🌸
