#ثم_ماذا🌻🖤
بقلم: سمر مختار
•46•
م قادرة أوصف ليكم كمية الفرحة الأنا فيها عانيت كتير ف حياتي بس ربنا جبرني الحمد لله ،، أبوي رجع لي بعد 22 سنة قضيتها وكدا فرحتي اكتملت أول حاجة عملتها بعد طلع مني اتصلت على دعوات وانا ببكي من الفرحة قالت لي ربنا ما بينسى زول وانتي تستاهلي كل خير والله..
طلعت الحوش لقيت عشوش حضنتها شدييد قالت لي دا المفروض يحصل من زمان الحمد لله اني حضرت اليوم دا عايزة أبكي قالت لي لا المفروض تضحكي وتصلي ركعتين شكر لي ربنا قلت ليها كان نفسي اصلي والله بس الظروف م سمحت لي لكن نوويت ف قلبي وربنا يقبل
عاينت لي مسافة فهمتها ليك طوالي قلت ليها قربت اغسل شعري يومين زيادة قالت لي طيب شوفي باقي حجاتك العايزة مكوة علشان اهل ابوك جايين الليلة قبل يجو نرتب ليك الشنطة قلت ليها جاهزة ف شنطة براها قالت لي لمي الباقي ف دولابك واقفلي والليلة اعملي حساب انك ح تبيتي عند سلوان غرفتك محتاجين ليها قلت ليها طيب فعلا رجعت غرفتي لميت حجاتي الما محتاجة ليها قفلت المفتاح لميتو ف دولاب عشوش علشان أتذكر لبست توبي وغطيت وشي مشيت لي سلوان ..
- الجابك هنا شنو يا بت انتي العرس حولوهو هنا؟
* متضايقة مالك يختي اقعد محل يريحني م شغلتك لمن يكون بيتك اطرديني
- لسانك الطويل دا حدو قريب بكرة سراج يقطعوا ليك اشوفك تتكلمي بشنو
لفحت شبشبي ضربتو بيها قلت ليها امشي يا تافهة يا منحطة تفوووو علييك ضحكت وقالت لي انا هينة بتفلق بالشبشب لكن سراج عينك م بتقدري ترفعيها فيهو جريت وراها بنتعاور تلفوني اتصل كان رئال قال لي وين انتي جبت شنطة سراج دي خالتك قالت يجيبوها ليك قلت ليهو انا اوديها وين فجأة سمعت صوت عشوش شكلها قلعت منو التلفون😹
قالت لي برسل ليك شنطتك وشنطة سراج خلي سلوان ترتبهم ف شنطة واحدة ح تجي اسينات تساعدها قفلت الخط شوية الباب ضرب كانوا رئال واسينات دخل الشنط ف الهول وطلع بس م نزل عينو من سلوان وهي المعفنة قربت تدخل تحت الكراسي من الخجل😹
بعد طلع قلت ليها لسانك فات وين يا ماما فالحة تتقاطمي معاي بس مش فلقتني بالشبشب حقي زاتو اسينات قالت لينا خلو عوارة الشفع دي خلونا نخلص الحنانة جاية فالطريق قلت ليها اتحنن من الليلة؟
قالت لي بكرة ماف زمن ولا فاضيين ليك زاتو احسن اسي لو حننتك مسافة المغرب بتغسليها علشان ترتاحي طوالي بكرة يومك طويل سكت لانو لو جادلتها ممكن تكفتني عادي هتلر دي😹
رتبو الملابس ف شنطة اصلا حقات سراج بسيطات م عارفة سبعة غيارات بس جايبهم لشنو كان يخليهم 😹
اسينات قالت لي راجلك دا هدومو لي حببة كدا كدي شوفي ياهم بس اتصلت عليهو مشيت بعيد شوية ..
