اشرقت الشمس معلنة بداية يوم جديد مما جعل ابطالنا يتوجهون إلى اشغالهم ،، في أحد الجامعات كان الطلاب منشغلون بروتينهم اليومي الا توأمانا فقد كان الأمر بالنسبة لهم غريب بعض الشئ ،، بعد أن اكملوا اجراءات التسجيل قام سراج بأخذهم في جولة حول الجامعة ومن ثم قاموا بالجلوس في كافتيريا الجامعة لتناول الإفطار ...
سراج قال ليهم كدا فهمتو نظام الجامعة كلو م اظن ف شي تاني وجدول المحاضرات اخدتوه الا تنزلوا دراسة بعدا ولو بديتو من اليوم يكون احسن رئال قال ليو لالا ياخ على طول كدا خلينا نستكين شوية يا مان رد عليو رئبال انت زول فوضجي وم هأشتغل بيك بالمناسبة مجالاتنا مختلفة يعني ب كيفك بعدا رئال قال ليو عليك الله داير تقرا طيران لشنو من عدم المجالات يعني قال ليو م عندك بي شغلة خليك في حالك وبترولك يكون احسن سراج قال ليهم اهدو ي قوم واكلو سريع عشان وراي محاضرة ،، بعد خلصو اكلهم كل زول دخل على محاضرتو ...
رئبال ••
اليوم اول محاضرة لي صراحة حسيت بالعالم غريب يعني اول مرة اكون ف قاعة مختلطة ونظرات الناس كانت لي غريبة وخصوصا بي نظارتي الكنت لابسها ،، القاعة كانت بسيطة والناس كمان اغلبنا اولاد معانا سبع بنات بس يعني تحسهم هادئين بس انا كنت متوتر شديد لأني م إجتماعي لكن كنت مركز شديد مع المحاضرة.
رئال••
كنت فرحان اني واخيرا ح ادرس حلمي وفي نفس الوقت شايل هم اخوي لانو هيكون براهوو لطالما كنا مع بعض طول الوقت ،، اخوي وانا بعرفو انسان خجول وبتوتر من اقل شي بس حاسي انو هيتغير للاحسن مع العالم دا ان شاء الله.
_____
انتهى اليوم الدراسي في المدرسة الابتدائية كانت الصديقات في طريق العودة إلى المنزل حينما قطع طريقهم رجل امسك يد لقاء بقوة ...
* اسمعي هنا قولي لي امك دي لو م ردت على مكالماتي بجيها في البيت بعمل ليها مشكلة سامعة ولا لا ردت عليهو من بين دموعها آييي انت منو وفك لي يدي قال ليها بس كلمتك امشي وريها فك يدها ركب عربيتو وفات بينما لقاء وقعت ف الأرض بتبكي حضناها انا ودعوات قالت لينا دا منو وانا ذنبي شنو قلت ليها بكون غلطان بس قالت لي كيف غلطان دا زول جا قاصدني عديل دعوات قالت ليها م تخافي ساي بكون امك اخدت منو بضاعة تياب وملايات وملابس وجادعة تلفونها مع جوطة البيت قلت ليها بكون والله عشان كدا م تخافي ساي وامشي كلميها علشان ترد عليهو ،، مسحت دموعها وابتسمت قالت لينا طيب 🖤
#الظن ...
يجماعة الظن دا بسبب مشاكل كتيرة يعني ممكن بسبب ظنك السيئ تخسر اكتر انسان بتحبو ولو كنت ظنيت فيهو خير م كنت هتخسرو
حتى ربنا قال ( إن بعض الظن إثم ) يعني ذنب ،، عموما الحاجة الحابة اوصلها انو نحن نظن بالخير دايما يعني لقاء دي لو كانت صحبتكم كنتو هتقولوا ليها شنو؟ انو دا الراجل البتطلع معاهو امك وبي سببو كل يوم بتتشاكل مع ابوك ،، اي يمكن انتو عارفين بس هل هي عارفة؟! متخيلين انو احساسها هيكون كيف لو عرفت؟ عشان كدا هقول ليكم إياكم وظن السوء .
_____
