لقيت نفسي مديت يدي وهزيت راسي بدون احس وابتسمت ليهووو بعدها مشيت من جمبو واقرب مواصلات ركبتها ولحقت لقاء ف بيتهم لقيت لؤي بلعب ف الشارع مع الشفع مما شافني جرا حضني
- اووو لؤي البطل ان شاء الله كويس
** زعلان منك لي ما جيتي قعدتي معانا زي ما وعدتيني وحتى لقاء بقت ما فاضية لي
- م تقول كدا انت احلى أخ بالنسبة لينا بس مضغوطين مع الجامعة والقراية لكن عندي ليك طلعة في الاجازة
** وعد؟!
- أن شاء الله ،، يلا اشوف الضحكة وحلاتي يخوانيي🖤
دخلت البيت سلمت على حبوبة السرة وعمتو مشاعر اتونست معاهم شوية وبعدها دخلت لي لقاء ف غرفتها
_____
لمة الإخوان ،، ضحكة الحِبان ،، دا بشاغل دا ،، ودا بتونس مع دا ،، الشاي والقهوة ،، صحانة المكسرات قدامهم ،، فول تسالي نبق قنقليز بامبي بالشطة فشار كيك على نوعين ،، كل دا كان في بيت كبيررر مليان محبة ،، بإختصار " لمة الأسرة " كانت عندهم ...
أيمن••
بما انكم اتعرفتو علي مسبقا ف ح احكي ليكم عننا شوية ،، أسرة " الرفاعي " ،، أسرة واسعة معروفة من زمن السبعينات والرفاعي بكون جد ابوي يعني من هنا بتكونو عرفتو اسمي الكامل
" ايمن عز الدين احمد الرفاعي "
ابوي " عز الدين احمد الرفاعي "
هو أكبر واحد ف اخوانو عرس بنت عمو
" منال ابراهيم الرفاعي "
وياهو عندهم نحن الاربعة عرفتونا قبل كدا
" مجاهد وأيمن سراج ومؤيد "
عمي " سراج الدين احمد الرفاعي "
بعد ابوي طوالي مسمين عليهو سراج اخوي متزوج خالتي في الحسبة بت عمو
" مها ابراهيم الرفاعي "
،، عندو ولد وبنتين " أيهم ومنى وميعاد "
عمي ابراهيم وعمتي زينب ديل مستقرين في كندا عشان كدا م تزحمو راسكم كتير
أنا وايهم من نفس العمر هو أكبر مني بي يومين يعني سمايتنا عملوها واحدة عشان كدا وقت جو يسمونا اتفقو انو يسمونا من نفس الحروف " ايمن وايهم "
وطبعا أيهم متزوج زرابي بنت خالتي مروة واخووكم لسة بايررر😹
يلا بالنسبة لي امي هم تلاتة منال ومها ومروة ،، خالتي مروة ما شاء الله ربنا رزقها بي بنات بس
" زحل " متزوجة ومستقرة ف السعودية
" زرابي " متزوجة أيهم
" زينة " خريجة تمريض بالجد هي زينة البنات لي حدهنن زي م كانت حبوبة بتقول🖤
" زينب " ف تالتة جامعة مع ميعاد
" زلفة " دي مع مؤيد في أولى لكن بتقرا هندسة كيمياء
"عارفة نفسي زحمتكم بالأسماء الكتيرة دي بس كان لازم عشان ح نحتاج ليهم قدام 😹🖤🖤"
حابي اوضح ليكم نقطة تتزكروا وقت طلعنا شارع النيل مع أصحاب سراج اول مرة ؟! كان قال ليهم دا ايمن ممكن تنادهو بي ايموووني علما بانو عارفني بكرهه الاسم دا يلا اوريكم السبب شنو ...!!!
