اشرقت الشمس معلنة بداية يوم جديد ☀️
- يا ولدي ماشي وين من صباح الرحمن اقعد افطر مع اخوانك
** مستعجل يا حجة اتأخرت على اصحابي نسيتي امس قلت ليك عندنا رحلة
- سمح اقعد اكل ليك لقمة ما تمشي على لحمة بطنك
** باكل قدام يلا مع السلامة ،، طلع فات وجا نازل اخوهو التاني آخر شياكة
- صباح الخير يا نبعوو ،، باس راسها ،، مالك صارة وشك من الصباح
** مالي ح اكون اكيد اخوك دا م عارفاهو طالع كدا على منو ولا واحد فيكم عنيد زيوو
- م تشتغلي بي ولدك دا مجنون ساي فرحان م صدق انو نجح خليهو يفرح مع اصحابو ،، ارح ناكل جعان شديد
** اصبر اخوك ومرتو ينزلو م صاح ناكل نخليهم قبل تتم كلامها سمعوو صوت
" هششش حبيب ماما الليلة مالك الواجعك شنو ما تبكي خلاص هششش "
- منى بسم الله الليلة مالو الولد دا كدي جيبيهو النشوفو
* ما عارفة والله يا خالتي الليلة من الصباح ببكي كدي هاك شوفيوو يمكن يسكت ليك
- عندو مغص عايني بطنو منفوخة كيف ،، النمشي اغلي ليهو شوية يانسون
* خليك يا خالتي بعملو انا اقعدي افطري
- اقعدي انتي حاولي رضعيهو عشان يسكت شوية مجاهد وين؟!
ردت عليها وهي بتشيل منها الولد ،، قاعد يلبس ،، قبل تتم كلامها مجاهد نزل
قال ليهم مالكم جايطين كدا ؟!
- مصطفى عندو شوية مغص ،، اقعد افطر مع ايمن نحن ح نمشي المطبخ
** خلي نوديهو المستشفى البسي ارح
رد عليهو ايمن ماف داعي لي اي مستشفى طبيعي في عمرو دا بعدين ح اجيب ليهو معاي ماء سيد من الصيدلية اقعد افطر وخلينا نمشي عشان دوامي قرب يبدأ
قعدوا يفطروا وف المسافة دي اليانسون جهز عبوهو ف الرضاعة وأدو مصطفى شوية بعدها بمسافة رجع نام منى قامت قالت ليهم ح ارقدوا جوا عن اذنكم وطلعت
- نحن نمشي يلا يا مجاهد بعدا
* دقيقة الليلة مؤيد وين؟!
- طلع جيرني مع اصحابو خلي الأسئلة ومشينا يلا مع السلامة الحقني برا ،، باس رأس امو وطلع
مجاهد قال ليها انا ماشي بعدا باس راسها وهو طالع مرتو جات نازلة مسك يدها وقال ليها انا ماشي لو حصلت اي حاجة وريني اوكي؟! هزت رأسها بمعنى طيب قال ليها دايرة حاجة قبل اطلع قالت ليهو لالا سلامتك بس قال ليها خلي بالك من نفسك ومن ولدنا وأمي لمن ارجع قالت ليو ان شاء الله يلا ف امان الله اتوكل ،، باس راسها وطلع
منى مشت لي خالتو منال قالت ليها معليش الليلة جوعتك اعفي لي ردت عليها اجي يا بتي ماف داعي انتي بتي وولدك حفيدي اقعدي خلينا ناكل بتكوني جعتي يحليلك وانتي بترضعي قالت ليها فعلا جعانة شديد خلينا نسمي ،، قعدوا ف الطاولة وبدو ياكلوا
_____
