ثم_ماذا🖤🌸
بقلم سمر مختار
•24•
قال تعالى:
" وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ "
ها هي ترحل عن حياتنا وتدع وراءها فراغ كبير في دواخلنا ،، ايعقل ان صديقتي منذ الطفولة تفارقني دون اي مقدمات ...!
لماذا...؟!
لماذا يا لقاء كسرتِ قلوبنا برحيلك عنا ...!
لماذا لم تفكري ب أحد منا !
ألم تعلمي أني لا املك صديقة سواك..!
ماذا أفعل الآن من بعدك...! 💔
ها هي ترتدي الكفن الابيض بدلاً من زفاف زواجها ،، وتُحمل جنازة إلى قبرها ويا رب اجعل قبرها روضة من رياض الجنة 🖤
إياد يحمل ف المقدمة ومعه مؤيد ،، رئبال و رئال يحملان ف الخلف وكمية حشد كبير من الرجال يتبعون الجنازة
هنا النساء يصرخن بشدة أما انا فلا أشعر بشئ سوى الفراغ القاتل
اجلس ف غرفتها احتضن اخاها الاصغر " لؤي " الذي نام من كثرة البكاء وأمامي ملابسها التي اشتريناها معاً للزواج أنظر اليهم بنظرة ثابتة
لا استطيع البكاء ،، أشعر باللاشئ الذي يكاد ان يقتلني يا ربي أجرني في مصيبتي وأخلف لي خيرا منها 🖤
_____
بعد شهر ...
الليلة لقاء تمت شهر مما اتوفت وللان م قادرين نتعود على فراقها ،، انا للان ف بيتهم م رجعت ح ارجع الليلة عشان اهلها راحلين ،، ايوا راحلين عشان المكان م بنقعد ليهم من دونها ...
تقريبا كل حجاتها اتصدقنا بيهم باقي حاجتين بس من حجاتها " تلفونها ومذكرتها "
احتفظت بالمذكرة ف شنطتي و .. اتلفت لقيت لؤي بعاين لي وعيونوو ملانة دموع نزلت تحت على ركبي ومسحت ليهو دموعو
** مالو البطل دا ببكي اهااا ؟!
- أنا ما ماشي معاهم خليني هنا معاك انتظر امي وابوي ولقاء وفيحاء يجو يسوقوني
وقفت لي غصة في حلقي ونزلت دمعة سخنة على خدي مسحتها بسرعة شلتو قعدتو ف طرف السرير وقعدت ف الأرض مقابلاهو
** شوف يا حبيبي ماما وبابا ولقاء حاليا في مكان احسن من هنا فاتو عند ربنا تاني م ح يرجعوا وانت اسي م عندك غير عمتو وحبوبة امشي معاهم وانزل مدرسة احسن من دي وح يكون عندك اصحاب جديدين هاا اتفقنا؟!
- بس انا لما اكون معاك بشوف لقاء ف عيونك وبكون متطمن م داير افارقك
نزل ف الأرض وختى راسو ف رجولي وأنا بدوري مسحت على راسو ب يدي عاينت ف تلفون لقاء وعاينت لي لؤي السرحان ف السقف قعدتو ف الأرض مقابل لي وشلت التلفون مديتو ليهو رفع راسو عاين لي
