طل••
كانت مشاعر مختلطة فرح على صدمة على دموع محبوسة م كنت قادرة أوصف ليكم حالتي وخصوصاً لمن مسك يدي وطلع بي قدام الناس كلها، كنت م فاهمة حاجة لحدي م طلعنا وقعدنا قدام اهلي وأهلو لبسني الخاتم وباس راسي وأنا الخجل ح يقتلني بس كنت مبسوطة شديد يخوانا💃
جات امو حضنتني قالت لي مبروك عليكم يا بتي أن شاء الله يسعدك ويديكم الذرية الصالحة انا امو وديل اخواتو الكبيرة سمر ومشكاة الوسطانية والصغيرة دي غصون ودا عمك عبد الرحيم ابتسمت ليها بس كنت بضحك على نفسي من جوا معقولة طلعت اختو الكنت فاكرة إنها خطيبتو وبعلييي منك يا طل😹😭
اليوم عد على خير وطلعوا بعد فاتو خالتو فاتن باركت لي بس ماما كانت زعلانة عاينت ليها وقلت ماما انتي م ح تباركي لي قالت لي هو شن العرس الببارك ليك فيهو بابا قال ليها هنادي الموضوع انتهى اتقبلي الواقع وما تزعلي البت قالت ليهو وأنا زعلي م بهمكم اصلا صاح بتك وعرست ليها بدون رضاي في شنو تاني قال ليها م ح اتناقش معاك اكتر من كدا يلا بستأذن منكم عندي شغل بعد فات ماما قالت لي اصلا كنت حاسة انو الولد دا مما بقى ينط من يوم لي يوم ناوي على حاجة هدا جا واستلم شركة ابوك على حسابو واسي شالك مننا بكرة يمكن بعد يومين نلقاهو شال البيت وطردنا منو كنت بسمع في كلامها وانا مصدومة معقولة ماما؟؟ قلت ليها ماما لي بتقولي على إياد كدا؟؟ مش دا هو الكان عاجبك من زمان قالت لي كان عاجبني لكن قبل اعرف انو كان متزوج قلت ليها الزواج عيب؟ اسي بابا دا قبل يتزوجك مش كان متزوج بت عمو بس حصل خلاف وطلقها طيب لي بتقولي كدا؟
م حسيت الا بي كف ف وشي قالت لي وكمان بتتطاولي علي آخر حاجة وعلشان اكمل ليك انا عرسك دا برا منو للأبد، جريت غرفتي وببكي لانو ماما أول مرة تضربني بس م كنت ببكي على الكف لا كنت ببكي على كلامها وبعدين زواج شنو البتتكلم عنو من الصباح دا لازم افهم لليان جات لاحقاني لقتني ماسكة تلفوني قالت لي حتعملي شنو يا مجنونة قلت ليها لازم افهم الحاصل البتقول فيهو ماما دا انتبهت للخط لقيتو فتح..
- إياد أنت وين لازم اشوفك اسي قال لي طيب انزل ناس البيت واجيك قلت ليهو لالا م تجي انا ح اجي نتلاقى ف ..
قبل أتم كلامي قال لي نتلاقى شنو انتي مرتي ح اجي اسوقك ونمشي محل ماشة قلت ليهو طيب..
قفلت منو لقيت لولو بتعاين لي قلت ليها الموضوع لازم يتحسم قالت لي م تتصرفي بتهور قلت ليها اتطمني م بحصل سمعنا صوت خالتو فاتن بتناديها قلت ليها امشي نتلاقى بكرة وهي طالعة جات زوبة شايلة حجات العقد قالت لي ماما قال اجيبو هنا هي م عايزة حجات زي دا قلت ليها ختيهم بعد طلعت كنت منتظرة إياد الاتأخر رجعت ليهو رقمو م خش معاي شالتني نومة صحيت على صوت تلفوني
عاينت للساعة كانت ١٢ وحاجة رديت ليهو أخيراً فضيت لي قال لي طل جاني شغل بس قلت ليهو اصلا لو كان بهمك كنت اتصلت علي وقلت لي جاني شغل بس دايماً لمن تشوف الشغل قدامك م بتفكر ف غيرو وبقيت بصرخ فيهو وببكي قفلت الخط وانا م قادرة اتكلم من البكى جدعت تلفوني الاتكسر بالحيطة مشيت غرفة ماما لقيتها بتصلي وكانت بتدعي..
