ثم ماذا

69

عدت فترة وكل شي ماشي طبيعي انا وسراج م بينا شي غير الأولاد الصباح يطلع المستشفى يرجع نهاية اليوم بخت ليهو ياكل مع اولادو وينووم ف غرفتو بس خلود م بتنوم الا معاهو..

اسبوعين بالحالة دي، يوم مؤيد وريلان جونا فالبيت بعد المغرب خلود جرت عليهوو " حالووو إيدوو"

الترجمة: خالو ميدوو😹🖤

سراج قال ليها خالك ب وين يا حرامية؟؟
مؤيد قال ليهو أول مرة تسمعها، البت شايفاني اخو أمها ونكرتك..
سراج قال ليهو بخباثة معناها انت برضو اخو ريلان
مؤيد حك راسو وقال ليهو معناها ح ارجع آخد دور العم

ضحكت فيهو مشينا المطبخ أنا وريلان ختينا الغدا كان جاهز ودي كان أول مرة ناكل من نفس السفرة، ريلان قالت لي الليلة قدمت وان شاء الله يشيلوني اعلام قلت ليها م تخافي بشيلوك ان شاء الله نسبتك سمحة شديد🖤

قالت لي غصون قالت قدمت معدات طبية اتخيلي بعد العلمي الاتعذبت بيهو دا قلت ليها رغبتها ف النهاية ربنا يوفقكم..

قالت لي انا مبسوطة انو رئال رجع يفكر ف العرس ومبسوطة اكتر انو خطب شهد مع انو معرفتي بيها م للدرجة دي بس حبيتها شديييد قلت ليها والعجب انا هي ورئبال ح يجو مع بعض متأكدة أنا قالت لي ربنا يتمم ليهم على خير..

اتغدينا وبعديها فاتو حتى سراج لبس وطلع بعدهم قال لي ح اتأخر شوية..

_____

سجود كانت نسخة مني وكنت بحبها شدييد🖤

تمت الليلة سنة، سراج جا ساقنا انا وهي طلعنا مكان حلو شديد، حسيت انو الحاجز بيناتنا اتكسر لمن ولدت لان تعاملو اتغير شديييد خصوصاً تعاملو مع سجود استثناء..

مؤيد وريلان جو قعدوا شوية وطلعوا غرفتهم بعديها سراج جا داخل كان جاهز مما دخل سجود جرت عليهو، مشت بسرعة قبل تتكلم م بتعرف غير ماما وبابا، رفعها وكانت مبسوطة شديد قال لي البسي طالعين..

الجو كان حلو شديد وسجود بتلعب بالبالون معاهو، كنت سرحانة وانا بعاين ليهو حسيت نفسي اتغيرت شديد م انا ميعاد الزمان ..

قضينا يوم حلو شدييد لمن رجعنا سجود اتشبكت فيهو قال لي ح اسوقها قلت ليهو بس م بتخليك قال لي بجيبها ليك الصباح قبل اطلع المستشفى قلت ليهو طيب دقيقة اجيب ليها غيار قال لي م يحتاج ادخلي جوا اتحرك بعد انا دخلت جوا..

_____

سمر رجعت وأخيرا بس كانت بعيدة مني رغم قربها،، م كنت بشوفها غير لمن تخت الأكل وتدخل غرفتها الا الليلة بعد جونا مؤيد وريلان..

سجود كنت بحبها شدييد زيها زي خالد وخلود، حتى بسببها غيرت تعاملي مع ميعاد وبقيت بكللمها عادي، الليلة كانت سنتها الأولى طلعت معاهم ولمن رجعنا اتمسكت فيني شديييد وبدوري سقتها معاي، نامت ف الطريق قبل اوصل البيت ولمن وصلت لقيتهم ناموا بدوري رقدتها معاي ونوومت طوالي..