" على لسان سراج "
بعد كذا يوم جاني مؤيد ساعتها انا كنت طالع المستشفى مداوم مساء قال لي عيد ميلاد سمر بكرة وناويين نعمل ليها سبراايز قلت ليهو وريتني متأخر ليه !؟
- م اشكال عندك وقت اصلا بكرة ح يكون العصر اذا عايز تعمل هدية أو كدا
* طيب خير نتفاهم بكرة ..
طلعت وأول حاجة عملتها اتصلت على فيرونيا لاني م بفهم ف أمور الهديا دي...
" ح اختصر بالعربي طوالي "
- سيسوو صباح الخير..
* الصباح دا عندكم انتو يا انسانة ،، انا حاليا فالشارع ماشي على المستشفى بس عايز مساعدتك ف حاجة تتذكري ال ..
- قصدك حبيبتكك الما عارفة ب حبك
* وصف ولا جرح مشاعر!؟
عموما يا ستي بكرة عيد ميلادها وما عارف اجيب ليها شنو لازم اضبط كل شي اسي علشان بكرة ح اطلع متأخر من الدوام
- بدل المقالة الفوق ديك قول عايز هدية بس ح اوريك تعمل شنو وتضرب عصفورين بحجر..
" جزئية معلقة "
بعد قفلت منها مشيت الصياغ شلت لي هدية ظابطة وبعديها مشيت محل هدايا عجبني دبدوب كبير وريتهم الفكرة اللي قالتها لي فيرونيا قالوا لي اجي استلمها بكرة ومشيت الدوام على كدا ..
تاني يوم استلمتها رجعت البيت لقيت مؤيد وأيمن جاهزين وكمان ميعاد وزينب وزينة شكلهم ماشين برضو كانوا منتظرني خليت الهدية ف العربية دخلت غرفتي اخدت دش سريع ولبست مع اني كنت مرهق شديد بس كل شي بهون علشانها🖤🌻
وصلنا المحل وكان يوم ظابط شديد ودا أطول وقت قضيتو معاها وكان احلى بوجود اخوانها في نصنا..
اليوم انتهى بس لسة ف جواي م انتهى رجعنا البيت كنت جعان ومرهق شديد طلعت المطبخ ما كان ف حاجة بتناسبني كلو لحوم م بتنفع معاي لقيت لي بيض عملتو مع جبنة اكلت قدرتي غسلت الصحن والطوة ومشيت غرفتي..
عندي مشكلة مع اللحوم الحمراء والحليب من وأنا صغير م كنت بحبهم نهائي ومجرد م اشوف اللحمة بطني بتقلب خاصة ف الأضحى كنت بمشي ناس عمي سراج لمن نكون ضابحين وبرجع بيتنا لمن يكونوا ضابحين احسن شوية لمن كبرت بقيت م بتأثر بيها زي زمان بس للآن بطني بتقلب من ريحتها..
بتذكر مرة امي حاولت معاي كتير اني آكل معاهم فالعيد شلت قطعة بس الليل كلو م نامو اليوم داك نمنا فالمستشفى لأن الاستفراغ م وقف فقدت سوائل من اليوم داك للان بالغلط م أكلتها..
رقدت ف السرير بس م قدرت انوم بتقلب يمين وشمال نهائي م فارقت بالي بي فستانها وملامحها الحلوة وسُمرتها المكسراني عيونها الواسعة ف النهاية قمت استغفرت ربنا عارف انو دا غلط بس قلبي دليلي اعمل شنو؟
شلت تلفوني على أساس اشوف الساعة كم وانا بكرة مداوم لقيت مكالمتين ومن رقمها الما بغباني " الرفيقة🖤"
