" إنها العين نفسها ،، هي العين التي سحرتني بجمالها ..
وعيناكِ جميلتان ك حياة لا حزن فيها ... 🌻🖤 "
إياد إتأفف لمن استحضر الشخصية الواقفة قدامو كانت لابسة بيجامة بيت نص مع شبشب فرو ابيض كثيف وشعرها مرفوع واحدة مع خصلات متناثرة
عاين ليها بلا مبالاة وهي نفس الشي وقالوا ف نفس الوقت تاني انت!؟
إياد قال ليها انتِ مشكلتك شنو معاي يعني مُصرة تموتي لو دايرة تموتي امشي موتي بعيد مني م تحشري نفسك ف حياتي كان ناقص اختتم يومي ب وشك الحامض دا 😒
قالت ليهو هوووي انت قصدك شنو !؟
مش علشان سكت ليك المرة الفاتت تفتكر اني جبانة اوكيه!؟ لو زهجان امشي فرغ زهجك بعيد مني م ناقصاك ولا فاضية ليك كمان جاي تتلائم معاي ف نص بيتي دا الناقص والله ! يلا يا لولو نتلاقى بعدين ف المول م قادرة اقيف اكتر الجو بقى شووب ..🚶♀️🚶♀️
طل دخلت بيتهم وإياد بعاين لي خطواتها ووشو عامل كدا 😐
لولو مسيهة ف إياد ومروان سرحان ف لولو ..
" لليان الملقبة ب لولو .. بنت وسط تلاتة اولاد أتنين مستقرين خارج الإمارات مع زوجاتهم واحد ممتحن الثانوي وهي بتقرا معمار السنة التانية مع طل ..
بشرتها فاتحة بس اغمق من طل بدرجة وجهها دائري صحتها متوسطة ومتناسقة كانت لابسة بنطلون جينز وتشيشيرت تحت الركبة بشوية ومحجبة طرحتها 🖤"
إياد انتبه لنفسو بعد طل اختفت من انظارو قبل على مروان لقاهو سرحان ف لولو لكزو خلاهو ينتبه لنفسو قبل يركبو العربية ف عربية ضربت بوري لي لولو طوالي قبلت منهم وركبت العربية حتى هم رجعوا عربيتهم من سكات واتحركوا...
_____
السودان 11:30 PM ...
" منزل الرفاعي "
كان الجو مليان بالونسة والضحك من كل الجهات
الآباء والأمهات بتونسو براهم وقدامهم صحانة المكسرات 🖤
البنات والشباب بلعبوا صراحة وجراءة مؤيد لف الزجاجة والدور جا على سراج وميعاد
* صراحة ولا جراءة !؟
- صراحة اكيييد
* مالك خايف اقول ليك تحدي م بتقدر عليهوو😹
- لا م كدا بس بحب الصراحة اكتر
* طيب م إشكال ي ود لندن ،، مرتبط ولا لا ولو جاتك الفرصة انك ترتبط ح ترتبط !؟
" أيمن مع نفسو : خلاص محاولاتك معاي فشلت دايرة تقبلي على سراج لا والله يا ميعاد المرة دي كورتك ف الملعب الغلط "
سراج وهو برد على السؤال : لا م مرتبط وم اي فرصة ح تخليني ارتبط ،، ح ارتبط لمن الاقي الانسانة الصح الممكن تدخل قلبي بدون أشعر ،، اظن جوابي وصلك صح يلا يا أيهم لف الزجاجة ...
