ثم ماذا

25

الإمارات ...

جدران سوداء كالسواد الذي في حياته سجادة رمادية في منتصف المكتب ورود الزمقبة السوداء في ركني واجهة المكتب أوراق متناثرة على طاولة وملفات مرتبة بعضها فوق بعض كان يحمل ملف في يده ويدرسه بتركيز ،، تشتت افكاره حين دُق باب مكتبه ودخلت سكرتيره مديره ...

** مستر إياد المدير العام طالبك عنده

اومأ راسه ايجاباً ووضع الملف من يده وقف وهو يستعد للخروج من المكتب ...

خرج من المكتب وكانت الأنظار كلها متوجهة عليه والهمسات من خلفه

كان يرتدي قميصاً اسود وبنطال اسود وساعة يد باللون الاسود لطالما كان الاسود لونه المفضل منذ بداية عمله ،، شعره مرتب بطريقة جميلة جدا وعطره أيضا فيه شيئا من الاسود ...

وقف خلف باب المدير العام وطرقه طرقة خفيفة قبل ان يُسمح له بالدخول ،، كان يقف أمام المدير ويضع يديه خلفه سمح له المدير بالجلوس

** مرحبا يا ابني طبعا عارف اني طلبتك كتير بس اعمل شنو لما يكون شغلك منظم وجميل جدا ومما انت عتبت باب الشركة دي الأسهم ارتفعت والعقود بتتسابق علينا

ابتسم له ابتسامة مجاملة وواصل المدير كلامه...

** بس المرة دي انا طالبك لي شي تاني او بالواضح انا طالبك عشان اوريك إنو عينتك مدير على قسمك الخاص والخميس ان شاء الله ح تكون حفلة ترقيتك

لم يبد اي ردة فعل اكتفى بأن يقول له آسف بس انا برفض التعيين دا

** كنت عارف انك ح تقول كدا شوف يا ابني انا عينتك بعد دروس وشفت اداءك الممتاز ولحدي الان ماف موظف وصل للوصلت ليهو انت ف الشهرين القضيتهم معانا و ..

- اسف على المقاطعة بس انت قلتها بذات نفسك انا يداب لي شهرين ف الشركة دي وفي ناس قبالي ليهم سنين ف كيف تعيني مدير على ناس ليهم سنين شغالين وخصوصا معظمهم تفكيرهم ح يكون انك عينتني علشان أنا وأنت من نفس الجنس " سوداني "

القسم الأنا شغال فيهو المصري والاماراتي واليمني ومختلف الجنسيات وحتى السودانيين المعاي ح يتحسسو من الحاجة دي ف علشان كدا آسف م بقدر اوافق

المدير ابتسم ابتسامة عميقة وقال ليهو
كبرت ف نظري اكتر يا ابني وانا لحدي الآن محترم قرارك بس اسمح لي اوريك اني عملت اجتماع مجلس إدارة ومن كل قسم كانوا في حضور اتنين موظفين مع مديرهم وطرحت عليهم إدارتك والتصويت كان بنسبة 90% لي صالحك و " طلع ملف ختاهو قدامو "
ديل تفاصيل الاجتماع وفيهو تعليقات كتيرة ممكن تدرسو ب رواق وبكرة سلمو ووريني قرارك طيب

اتنهد مسافة شال الملف وقال ليهو خير ان شاء الله انا ح اطلع اكمل شغلي وبستأذنك عندي مشوار ضروري ممكن اطلع قبل دوامي يخلص؟!