مستشفى مدينة لندن..
مكتب د.إيفا ..
- مرحباً د.إيفا هل طلبتي رؤيتي؟
* نعم د.سراج الموضوع متعلق بزوجتك صحيح أنها حامل ولكن حملها في خطر
- ما الذي تقصدينه؟!
* هناك توسع في الرحم هذا يعني ان أقل حركة خاطئة ستؤدي إلى إسقاط الجنين بالإضافة إلى صحتها فهي تحتاج ل فايتمينات سوف اكتب لها بعضها ،، ولكن العامل النفسي يؤثر على نجاح مفعول الفايتمين فأنا اقصد بهذا أن لا تتعرض لأي نوع من انواع الضغط النفسي هل تفهمني!
- هل تقصدين اننا لن نستطيع أن نسافر؟!
* تسافرا،، لا تفكر في هذا بالمرة الا بعد أن تتجاوز الاشهر الاولى
- في اي شهر هي؟
*الأول وهذا يعني انكما ستسافرا بعد ثلاثة أشهر كأقل ،، سأنبهك ان بعض التغيرات النفسية ستحدث وانت ك طبيب تعلم ما هي
- هل هناك خطر آخر على الحمل ؟!
* لا ولكن سيتوجب عليك أن تُحضرها كل أسبوعين لأن حالتها مستثناة وبعد أن تستقر ستتابع كل شهر
- حسناً د.إيفا شكراً لك
_____
م عرفت أقول شنو ولا عارف اقابل سمر كيف كانت متحمسة وبتجهز للسفر اجي اقول ليها ح نقعد تاني تلاتة شهور؟
رجعت ليها فيرا قالت لي الممرضة سمحت لها بالخروج سأجهز السيارة حينما تستعدا بعدها طلعت ،، قربت من سمر علشان اساعدها تقوم قالت لي بقوم براي وقفت ف مكاني قامت براها مشت خطوتين قربت تقع مسكتها وقلت ليها خلي العناد ارح..
وصلنا العربية اتحركنا قلت لي فيرا سوقي براحة وصلنا ف ساعة وسمر م اتكلمت ولا حرف..
مما العربية وقفت نزلت خلتني مع فيرا براي لمن ودعتها لحقت سمر جوا لقيتها دخلت الغرفة التحت وقفلتها عليها حاولت معاها تفتح بس م اشتغلت بي اتذكرت كلام الدكتورة قلت اخليها مع نفسها شوية واجيها طلعت فوق اتصلت ب ناس المستشفى على أساس ح اقعد تاني والمرة دي ينقلوني هنا لفترة قفلت منهم رجعت لي فيرا قلت ليها عايز شقتكم الجمب المستشفى لفترة قالت لي اتأجرت بس في واحدة معروضة هي م بعيدة من المستشفى قلت ليها طيب شوفيها لي ولو محتاجة شغل كلميني قالت لي لالا هي جديدة ما دخلوها لسة قلت ليها رسلي لي رقم سيدها بعد رسلتو لي اتصلت عليهو اتفقت معاهو على تلاتة شهور والدفع كاش طبعا اخدت منو موعد نتلاقى بكرة واظبط الموضوع منها امشي السفارة ازيد الشهور ب نتائج المستشفى ...
_____
كنت م قادرة اتقبل حقيقة إني حامل ولا حاسبة حساب زي دا، قفلت الغرفة علي وبقيت ببكي لمن سمعت صوت سراج زعلي زاد م كنت قادرة اتعامل معاهو ولا نفسي ارد ليهو كل م اشوف وشو او اسمع صوتو بتذكر إني حامل ونفسيتي بتتغير، لقيت نفسي بتصل على دعوات مما فتحت الخط بقيت ببكي لمن بتنهد قالت لي سمر انتي كويسة طيب سراج كويس مالك بتبكي سمر ردي علي يا بت م تخوفيني عليك يا بت سامعاني..
