اتلفت علي وهو م كان أقل صدمة مني لمن العمة وقعت من يدو قفلت الباب سرعة عايزة اتحرك سمعت صوت رئبال بقول لي سمرر؟ مالك عاملة ككدا انتي كويسة؟
كنت مصدومة شديدد م عارفة اقول ليهو شنو تاني قال لي عايزة حاجة؟
قلت ليهو رئبال انااا... بندول عايزة بندول قال لي مصدعة هزيت ليهو راسي قال لي طيب امشي غرفتك بجيبو ليك هناك معاي صحبي اخو العريس عايزين نغير ماشين العقد شوفي ليك عباية البسيها ولا م تطلعي الا نمشي طيب؟ هزيت ليهو راسي واتحركت..
راسي كان تقيل والموقف القبل شوية دخلني ف حالة م قادرة اوصفها ليكم عدت فترة حسيتها سنة عديل حتى جاني رئبال شايل سندوتشين وعصير وبندول ختاهم وقال لي نحن طالعين ح اجي بعد المغرب نجهز للحفلة لو ماشين اجهزوا سريع علشان م ح ننتظركم لاحقين الزفة بتاعت العربات طيب؟
هزيت ليهو راسي وطلع كنت م قادرة انطق ولا حرف يخوانا الحصل لي شنو ولي انا بتهبل قدامو كدا م حاسة ب نفسي وانا باكل ومتين اكلت زاتي م عارفة لمن شفطت العصير كدا😹
بعدها صليت الظهر ونمت تاني..
_____
الليلة كانت حنة أيمن م كنت مصدق ف اللحظة الشفتها ف الشاشة بقيت بفتش عليها بعيوني وبعاين للشاشة ولي ضحكتها🖤
لحدي م شفت مؤيد وهو ماشي عليها كانت زلفة معاهم بقيت مركز وبتصدقوا حتى صوت الحفلة م سامعو قلبي بقى بضرب بسرعة ختيت يدي فيهو وقلت في سِري أهدأ..
م كنت ناوي اخليها تشوفني لأني عارف حالتها ح تتغير وانا عايز اشوف طبيعتها تابعتها لحدي م رئال ساقهم وفاتو..
الليلة من الصباح شغالين ف البيت موضوع الفطور وكدا لحدي قريب الجمعة رئبال جاني قال لي ارح غير هدومك ديل العقد قرب قلت ليهو لسة الضيوف م فطروا كلهم رئال قال لي ح اهتم بيهم انا م تشغل بالك أمشي اجهز قلت ليهو بيتنا م فيهو طريقة قال لي جيب جلابيتك وارح بيتنا وفعلا رسلت توفي لي امو تجيبها لي دقايق ووصلتني شلتها واتحركنا بعد وصلنا اخدت دش ولبست جلابيتي رئبال كان طلع البقالة قال عايز رصيد قبل يقفل للصلاة كنت بلف في عمتي ساعة جات داخلة اتلبشت لمن رميت العمة من يدي وهي طوالي طلعت قفلت الباب بقيت بضحك على حالة التوتر الدخلنا فيها استغفرت ربنا لأني شفتها كدا وما قاصد
بعد فترة كدا رئبال جا قال لي نمش قلت ليهو يلا ،، ونحن ف الطريق قلت ليهو رئبال عايز اقول ليك حاجة بس م تفهمني غلط قال لي سامعك
قلت ليهو قبل فترة طويلة في المستشفى شفت انسانة بريئة شديد كانت بتبكي على حالة مريض م حصل شافتو ولا بتعرفو بعد دخلت العملية حقتو اغمى عليها ف النهاية طلعت عيانة عارف الانسانة دي منو؟
- واصل انا سامعك..
* سمر اختك دا أول موقف جمعنا وما كنت عارف انها اختك وبعدين المواقف اتكررت كتير لحدي م قلت يمكن ربنا عايزنا لي بعض ودا الشي الخلاني افتح ليك الموضوع دا ،، رئبال انا بطلب يد اختك سمر على سنة الله ورسوله.
