كرونيك: ❤صدفه _التقينا ❤

الحلقة 5

الحلقة 5
رفد الفاليز تاعو من الأرض وجا طالع فدروج حبس عند غرفة ..
إلين : ايي بعد بعد الغرفة هاذي تاعي ..
دخل وخلاها موراه ..
إلين : انييي نهدر معاااك يابهييم الغرفة هاذي تااعي ..
أيمن : واليوم رجعت تاعي .. نقصي حسك
إلين : ستعمرت دااري وضك الغرفة تااعيي ؟؟
أيمن شاف فيها مبعد نحا تريكوه وقللها : تخرجي ولا لالا ؟؟
إلين غاست في صدرو شوية طبليطة شيكولا مبعد فاقت مع روحها : ايي ايي استر روحك مباعد اني نهدر معاك نورمالمون ..
أيمن راح ينحي السروال .. غطات عينيها وبدات تصيح : خلاااص خلااص اني خارجة ..
جازت من قدامو وهو يضحك عليها في قلبو .. خرجت مالبيت وهو دخل يدوش ..
إلين :
هبطت لتحتا جعت قلت نحضر فطوري .. طيبت فريت اوملات الحل والوحيد ضد الجوع وحضرت سلاطة وشوي عشا تع لبارح سخنتو وحطيت كوكا باردا ورحت نشوف كشما نزيد مالقبو ..
أيمن :
كملت الدوش .. افف صرعتني لفيت منشفة وخرجت فتحت فاليز جبدت حوايجي لبستهم وهبطت نشم فالريحة امممم لقيت شي ماكلة قعدت ناكل والله يعطيها الصحة فصعونة بصح شاطرة .. وانا ناكل حتا نلقاها .. جات
إلين : اااه .. يااابهيييم يافرخ .. مكفاش دخلت لدااري ودوشت في دوشي ودرت مالشامبوان ديالي وزييد تاااكل ماكلتي ؟؟ لااا هنا كلش كلش غير ماكلة يااسي البهيم ..
أيمن : هههههه ... نقصي حسسك صرعتيني
إلين : والله !! هذاا مكاان هامك ؟؟ استنا مزال متعرفنيش ..
طلعت للغرفة تاعها وغلقت الباب .. لقات الفاليز تاعو فوق البنك غلقتها وطيشتها مالبالكون ..
وهو يفطر حتا يسمع صوت خبيط .. طل لقا الفاليز تاعو مفركتة فالساحة حس العصب طلعلو فررخة .. راح لم امورو فالفاليز غلقها وطلع ليها ..
أيمن : أفتحي رررب البااب ..
إلين : ههههه .. بووس عينيك ياسي شباب
أيمن صاح : نحسب لتلاثة متفتحيييش والله نطربڨو فوق رااصك
إلين : ههه دوماج مراكش تشوف في فمي نغزل فيك ..
أيمن : واااااحد ..
إلين : زووج .. هههههههه
هيا حست بيه سكت بعدت علا الباب حتا يطير الباب ..
أيمن : مالا متفهميش بالسياسة ..
إلين : ا .. ل .. لباااب عللااه هكاا شريتو بدرااهم
حكم شعرو مرر يدو عليه ونفس بالقاوي : يااافرخة تمسخييرك نحييه ولساانك هذااا تنقصي منووو والا نرميك مالبالكون .. وضك اخرجي خيرمن نفسدلك وجهك ..
الين عينيها تعمرو دموع : لاا هاذي بيتي واناا نرقد فيها ..
دار خبط يدو فالحيط بعد رجع ليها ..