كرونيك: ❤صدفه _التقينا ❤

26

الحلقة 26
وتعيط .. شديتها زيرتها : شبييك صفا ؟؟
سكتت .. بعدت يديها وضمتني بقوة حسيت عضامي خرجو .. بدات تبكي.. بعدت عليه حست قلبها تحرق .. جبدت مالفريجيدار كاشي تع راص .. وراحت من غير حتا كلمة .. دخلت لبيتها رمات روحها في سريرها تبكي بالغصة قلبها محروق .. مشث قادرة تقاوم وجيعة لي في قلبها ولا تتغلب عليها .. هبط يلم فالزجاج كي كمل جا طالع ليها..
_____
حسها تغششت وكيفاه متتغشش منو وهو جرحها بكلامو .. وزيد راحت من غير متقول حاجة .. قلبو مهناهش عليها .. قرب للباب يسمع في شهقتهت وبكاها .. غاضاتو .. حس روحو حيوان .. هو انسان حساس وقلبو حنين بصح ميحبش يبين .. وجعو قلبو عليها .. هو حل الباب وهي وقفت مسحت دموعها .. ولبست بليغتها جات تخرج .. شدها من يدها .. وقاللها بصوت حنين : سامحيني إلين مشي بقصدي .. ايا نهبطو نتفرجو ..
نحات يدها عليه بلا متشوف فيه .. خرجت قابلت البيسين والريح يدي في شعرها .. قعدت تشمي وتتفكر .. كانت فرحانة كي كانت مع عائلتها .. وضك ؟ تبسمت بوجيعة .. مبعد تفكرت انس هبطو دموعها شلال .. هي تمشي حتى زدمت فيه .. رفدت راصها مبعد جبدها لحضنو يمسح علا شعرها استحلات حضنو .. حست براحة وامان مبعد فاقت طبعاتو : متزييدش تقرب لياا فهمت ..
مشات وخلاتو .. قعد ينفس بعدها بدا يرحي فالدخان ڨارو مور خوه .. دخل لقا ضو بيتها طافي اكيد رقدت .. راح لبيروه يخدم .. شويا وبدا يسمع صوت .. قام راح يمشي لغرفتها الأخرى .. قغد مور الباب يسمع فيها تكسر وترمي وش قدامها .. تنهد بالقاوي .. وراح ليها حكمها من ذراعها :
أيمن : شبييييه ربك انتي ؟؟؟
إلين : بعددد عليااا يااهم .. كل بسبتك..
أيمن : صح اناا هدرت هدرة وغل.. قاطعاتو
إلين : انتااا تهمتني فيي شرفي .. بدات تبكي ..
واتهمت عائلتييي .. تعرف حاجة ؟ عائلتي راهم لفوق .. بخروو ڨااع .. خلاوني وحديي نحاارب .. جاوبني برك تلقااا طفلة معندها حتى واحد فالدنياا تلقاها معندهاش صحااب ؟ متعملش الخراايب لي تهمتني بيهم ؟؟ جا يقرب ليها .. .صاحت ..
بعدددنييي .. جبدها وبدا يسكت فيها تهدنت شويا ..
أيمن : انا قلت هكاك خاطر منحبش عليك ياإلين ..
تبكي وتهدر بالشهقة : ا ..نت م..عندك..ش مش..اعر
تبسم علا جنب مكلامها .. هو أكثر واحد موجوع ..
أيمن : ايا ترقدي .. تسطحت علا السرير وهو غطاها .. جا خارج حبساتو : متخلينيش نتا تاني عيشك ..
تبسم معاها ومشا ..