كرونيك: ❤صدفه _التقينا ❤

50

الحلقة 50
تفكرت بلي دارتلو فخ راحت تجري ليه هو فتح الباب ويطيح عليه طاس فارينة شعرو ولا بيض .. العصب حسو فات الدرجة العادية دار ليها وهي كانت حاطة يدها علا فمها مصدومة .. مبعد طرطقت بالضحك وطاحت فالارض تضحك شادة كرشها مالضحك .. تسندت بالحيط وقاتلو وهي تضحك : احبس احبس نديرو سالفي ..
جبدت تليفونها دارت سالفي وهو رح يطرطق مالعصب دارت ليه تخبي في ضحكتها ..
إلين: ههه والله جيت رح نقولك انتا سبقتني ..
شاف فيها بنص عين دخل لبيتو وطربق الباب دخل يدوش نحا حوايجو شمخ شعرو جا يحط الشامبو في شعرو حتا تفرغ الحليب ههه نحات الشامبوا وحطتلو الحليب .. رما الباطا علا الحيط شلل ولبس وجا هابط فدروح يعيط : إلييييييين
سمعت عياطو هبطت تجري دور كي الزربوط ملقاتش وين تتخبا بدات تضرب في خدها : متت اليووم متت اليوم يقتلني رفدت راصها شافاتو جاي والجن لحمر ضاربو ..
إلين: مانيش أناا والله ماانا ..
صاح عليها : مااالا الجنون ؟؟؟؟ اروااحي ربك اليوم نخلص منك الجديد والقديم ..
ضحكت عليه يعجبها كي يكون مقلق ..
دخلت للكوزينة هي من جيهة فالطابلة وهو من جيهة لوخرا ..
أيمن: اروااحي لهناا برجلييك خيرلك ..
إلين: وشبييك متفهمش والله مأناا ..
أيمن: تكذبيي وتزيدي تحلفي بربي ملفوق اروااحي ربك اليوم نحيلك الكذب ..
إلين: مشي اناا الحليب هو لي دارها وش ذنبي اناا
أيمن: الجنووون لي جابو الحليب والفارينة ؟؟؟
جا ليها هربت مالجيهة لوخرا تع الطابلة ..
إلين: لا مشي بقصدي عمباتلي مجيش هه خلاص أيموني الحكاية متستاهلش ..
أيمن: كيي نحكمك نغطسك فالفارينة قوليلي الحكاية تستاهل ولا لا ..
شافت فالارض لقات فار يجري صاحت ..
إلين: ااااااا فاااااار فااااااار أيممنن ..
شاف فالارض لقا فار عند الطابلة وهي سوطات فوق الطابلة تعيط وحدها وهو من لي كان مقلق ولا يضحك عليها ..
إلين: الفااااار الكلب جااا احكمووو تعييش ..
أيمن: ههههههههه خليه ديكوراسيون للدار..
إلين: ااااع جااا جااا .. رمات روحها عند ايمن شاداتو كي ذراري صغار وقعدت تعيط في وذنو حتا حس وذنو طرشت ..
إلين: احكمووو أيمن احكمووو ..
ضحك حتا شبع .. : خلاص اقعدي فوق الطابلة دوك نحكمو ..