كرونيك: ❤صدفه _التقينا ❤

62

الحلقة 62
رفدت راصها عليه .. : اووف السخانة ..
بعد تشوف .. بعدت عليه نحات الجيلي تاعها وحلت شعرها لماتو طوماطيشة .. وبدات تروح علا وجها ..
إلين: ميموني مكاش حاجة تنحل ؟
مسكين لهب حس مخو رح يطرطق مالسخانة .. جسمو تزير وشعل شعلاتو بلا متحس .. شافت يمين يسار .. : زعما الحاجة هذيك راحت ؟
حس روحو رح يذوب حط يديه في حزامها .. شافت فيه : شبيك !
قالها بصوت هادئ : الحاجة هذيك موراك ..
إلين : اااااع رمات روحها عليه عنقااتو زيرت عليه وهو يضحك عليها قلبها بينو وبين الفوتاي وهي قصيرة عليه راصها جا عند صدرو شدت فيه وحطت راصها في صدرو وهو ضمها ليه وحط يدو في ضهرها ( قيييو موتو يالبايغات كي حالتي 🐸)
بعدلها شعرها علا وجها وعينيه تلمع رغبة نشف ريقو عليها .. رقبتها صدرها .. شعرها الحرير باسها من جبينها يسي يبرد دمو .. كي حسها رقدت جبد روحو عليها نحا الفاست وزاد نحا الشوميز حس السخانة رح يطرطق .. راح غلق الباب بالمفتاح باش السكرتيرة متزدمش عليه ورجع تكاها عندو ورقد ..
صبح ناضت تسمع في طبطيب فالباب جات تجبد روحها مقدرتش .. شافت لقات ايمن صدرو عريان بقات تشوف فيه يهبلل عدات صوابعها .. جا ينوض لقا روحو حاط يديه في حزامها وجابدها عندو بع. عليها وهي جات تعيط حط يدو في فمها ..
ششششت بلعيه ربك تفضحينا ..
إلين : ااع وعلاش انا راقدة عندك ..
أيمن: عندك الزهايمر ؟ اتفكري البارح ..
ضربت جبينها تحوس علا الجيلي تاعها : بيروك مسكون ننصحك غير بدلو ..
ناض يلبس في شوميز تاعو وهي غاست فيه داخت في ذاك الميسكل والكرش بلعت ريقها وحست دغديغة في كرشها .. كمل قرصها من نيفها ..
أيمن: البسي صغرونة خفي ...
حست وجها حمار راحت تجري لبست وهو بقا يخمل فالريروو..
قلبت شعرها شداتو كودشوفال وهي خملت معاه البيرو وراح فتح الباب لقا السكرتيرة ..
بدا يهدر معاها وهي دور في راصها بس تشوف وش كاين ثاني وهو حاوزها ودار لإلين وجها حمر
أيمن: هايا اهبطي قبل ماجي ..
بدات تقلد فيها : بففف عيباد كيما هاذي مخدمها عندك ؟
قرب ليها يضحك وشدلها خدودها : غارت صغرونتي ؟ شافت فيه بنص عين ونحاتلو يديه بغش ..
إلين: ههه نغير من مصفارة هذيك ؟ متعرفنيش بالاك
أيمن: ههه بالاك ..
حط يديه في حزامها وجبدها ليه وباسها من خدها بوسة تسحر او وشوشلها في وذنها : كتكوتي المغيارة ..
بعدت عليه لقاتو يضحك ميت جات رايحة جبدها من يدها : استناي نهبطو مع بعض