كرونيك: ❤صدفه _التقينا ❤

27

الحلقة 27
صبح ناض .. يسمع في صوت غنا قاوي .. راصو ثقيل .. حاس الغنا في وذنو .. هبط كان لابس شورط كحل .. عارفها هاذي معمايلها .. هبط مبعد حبس فالنص تع الدروج .. حل عينيه مخلوع فيها..
كانت حاكمة شعرها كودشوفال .. عاطياتو بالضهر لابسة تريكو نص غوز كلاغ .. وشورط جين طالعة في كرسي تنضف .. كمل هبط انخلع الفوتايات كامل مقلوبين .. الماء فالارض ..مواد التنضيف .. الدنيا كامل مقلوبة .. حار فالطفلة هاذي مخها وين بالضبط ؟؟ شاف ساعة فالحيط لقاها 8:30 وقتاش ناضت ؟ وقتاش قلبت الدنيا ؟ وقتاش نضفت زجاج تع التواقي...
وهي لا علاقة تشطح مع الغنية وهو يشوف فيها نارو شعلت .. بعدها دارت شافت معاه تضحك ومبعد قاتلو : صبااح العسل سي بهييم .. ايا تعاوني جيت في وقتك ..
شاف فيها نضرة تع موت وقتلها : فرخة طفي الغنا..
هبطت وراحت زادتلو .. وذنيا طرشو ..
بقيت نشوف فيها تسوطي وتغني معاه وتشطح ..
عيطت عليها : طفييي يمات الغنا خليني نرقد
إلين : مكااش رقااد .. راك تسكن هنا ؟ مالا لازم تنضف بصح بالاول استر روحك ..
عض شفتو بغزول وطلع .. علابالو مارح تخليه لاباس مارح تنقص للغنا راصها يابس .. هذاك مخصني غير التنضيف ..
نقصت للغنا وطلعت لبيتو .. لقاتو راقد علا كرشو تبسمت بخبث وبدات تحل فالتاقة ..
ناض رما عليها مخدة وهي تضحك ميتة بالضحك عيط عليها : خلييي ربي نرقد مع صباح
خرجتلو لسانها وقاتلو : لا سي فرخ مدام احتليت بيتي لازمك تنضفها .. اوووه شبيه هاذا هكا بالغبار شووف الغبرة عملت حالة علا الخزانة ..
أيمن : لا شبيه لاشبيها .. خليني نرقد
ربعت يديها وقاتلو : مداامك رح تبقا هناا لازم تنظف .. عيط عليها
اخرجييي نوض نعمل فييك حاجة ...
حلت التاقة كامل وهربت تجري عند الباب قاتلو : اقعد فالعفن هذاك ..
بقا يضحك عليها رغم غشو .. حاير فيها الطفلة هاذي مين مصنوعة .. قام اصلا طار عليه نعاس مع عاودت زادت للغنا ..
هبط لقاها تدني فالكنابيات تغيرلهم بلايصهم ..
وقفت وقاتلو : هاذي الكنابي تاعو متزيدش تقعد فيه ..
عمللها براصو لا : لا هذاك عجبني ادي نتي لوخرين ..
إلين : لالا تاااعي .. شد ضحكتو عليها ..
أيمن: مدام تاعك نضميهم انتي ..
ولاو يتعاركو .. مبعد رفدت قرعة ماء وبدات ترش عليه وتضحك وهو ثاني ميت عليها بالضحك ..
مبعد شدها من يدها وجاب قرعة ماء فرغها عليها .. رفدت بيدون ماء دوشتلو بيه جات هاربة زلقت فالما وطاحت مكسلة..