كرونيك: ❤صدفه _التقينا ❤

8

الحلقة 8
لحقت للبيرو تاعو .. تنهدت بالقاوي وتشجعت وطبطبت ...
ادخل .. دخلت بديت نشم في ريحة معروفة كان طايني بضهرو ..
مع دار كانت الكارثة .. طلقت الورق لي كنت رافدتهم .. وبقيت نشوف فيه عينيا مفتوحين ..
أيمن : اغلقي فمك ليدخل ليك ذبان ..
إلين : وش راك دير هناا يااهم .. ستعمرت داري وضك لحقتني لهناا
أيمن : هااذي الشريكة لي راكي فيها تاعي ..
إلين : هههههه اكيد راني نحلم ..
أيمن : ارواحي نفطنك (غمزلي ) ..
إلين جسمها رعش .. بفف ناقص ..
أيمن : سمعيني ..
إلين : والو .. علاش حبيت تطردني ؟
أيمن : خاطر الإحصائيات عندك شهر ملي بديتي جامي جيتي فالوقت ..
إلين : خلاص اعتابرو آخر يوم ..
أيمن : اممم يكلفك ..
قام ليا .. انا نبعد وهو يقدم حتا لصقت في حيط ..
إلين : وو .. وش راك دير ..
أيمن بقا يشوف فيا .. في عينيا يتمعن فيهم مبعد يهبط عينيه لشفافي .. مبعد يمرر صباعتيه علا شعري حتا نسمعو الباب ينفتح .. لوكان شقت الارض ندخل فيها .. درت للحيط وعطيتهم بضهري ..
سوسن : سامحني سيدي يلا زعجتك ..
أيمن رح يطرطق عينيه حمر عروقو بارزين : اخرجي ..
سوسن : سدي هذو ورق لازم توقعهم .. نسح..
أيمن : اديييي ربهمم واخرجييييي ( صاح )
خرجت وغلقت الباب .. وانا بقيت دايرة للحيط وساكتة .. كي عيط قلبي بدا يخبط بالقاوي .. خفتو .. درت لقيتو يشوف معايا ..
أيمن : نجي نخرجك ؟
شفت فيه 😒 هك وخرجت ..
رحت نخدم زكارة فالسامط لي قريب علا جالو خرجت مالخدمة 😎 ..
شويا جات سوسن تهز في روحها عندها مشاعر جيهة ايمن باينة .. علا طابلو مكياج هذاك ونص ميترة ..
رحت معاها للبيرو تع ميمو .. دخلت ديراكت قعدت .. درت رجل فوق رجل ورفدت اجوندا نقرا فيها كانت فوق بيروه ..
نشوف فيه حب ياكلني .. وقفت نجريي
أيمن بصوت هادئ : قتلك ادخلي ؟
نفست وخرجت طبطبت قالي ادخلي .. ايماا شحال يحب زكارة .. قعدت عاود نوضني ..
أيمن : معلموكش تستأذني وقيل ..
عاودت نضت ..
أيمن : اقعدي .. وشاد ضحكة بسيف ..
إلين : ازرع ينبت ..
أيمن تكا علا الكرسي وحط رجليه فوق البيرو ..
إلين : شحال طولك ؟
أيمن : ميترا ثمانين .. طويل ولا قصير ؟
بقيت نتمعن فيه مبعد مبعد غمزلي .. وجهي حمار وحدو .. اعععع سوفااج .. هبطت وجهي تبهدلت وهو بدا يضحك ..
أيمن : بما أنك قريبة مني .. قررت نديرك سكرتيرة تاعي هكا نقدرو نخدمو مليح ..
إلين : علاه وش بيها سكرتيرتك ..