كرونيك: ❤صدفه _التقينا ❤

16

الحلقة 16
صبح فاق .. ريڨل امورو حط الحطة ورش ريحة وهبط لقاها تشرب فالقهوة .. تبسم تبان مليحة ..
أيمن : صباح الخير
إلين : صباح النور
أيمن : يعني انتي متعودة اكبر كسولة تنوضي صبح بش تخدمي تلحقي اخر وحدة ولعشيا تولي اول وحدة وضك نضتي بكري ؟
ضحكتلو وهو انصدم معجزة .. وهي بقات تبربش فتليفون ودندن زاهيتلها .. هو تعود عليها يادرا انا موصيبة راهي تستنا فيه ..
قام وقللها : ردي بالاك تعملي حاجة .. مشا وخلاها .. ضحكت علا جنب وراحت شغلت لغنا .. وبدات تدور كي الزربوط وتغني وتخمل فالصالة ..
إلين : اففف بسيف باش كملت .. حطت الدوزان في مكانهم وراحت دارت دوش .. جبدت شعرها ولبست روبة ميني شابة .. دارت مكياج خفيف ..
شويا وسمعت الباب ..
إلين : اوو انس .. توحشتك تلاحت عليه .. زادت شافت منا لقاتهم مروة وبلال ..
إلين : اوو الكوبل العضيم هههه مزلتو تلاحت عليهم تعنق وتبوس ودخلتهم قعدو فالصالة ضحكو حتا ونحاو الغمة والوحش جوايه الربعا تفكرت أيمن بلي يجي خافت يصرا مشكل .. اقتارحت عليهم يخرجو او وافقو ..
راحت معاهم فطونوبيلتهم بربع ميترا هههه لي لابستها ..
______
دخلت للدار لعشيا حطيت الكياس فالكوزينة ورحت لصالة لقيت كيسان تع قهوة ضاهر جاو الضيوف تاعها .. تفرجت شوي وطلعت للغرفة تع الخدمة .. غرقت فالخدمة .. كي كملت درت دوش وهبطت نتفرج شفت الساعة 21:45 مزال مجاتش .. كملت نتفرج عادي ..
________
جواية الحداش هكاك تع ليل .. علا شط البحر ..
إلين : ههههه آنس شحال راهي الساعة ..
أنس الحداش وربع ..
تخطفت وناضت تجري .. اناا نروح سامحونيي ..
أنس : ويين تروحي علاه موالفين نطولو شبيك ليوم ؟
إلين : اه .. لالا عندي خدمة بزاف .. ونوض صبح بكري ..
أنس : معليش نوصلوك معانا متروحيش وحدك ..
ركبنا فالطونوبيل بلال يسوق ودايرين الغنا ويضحكو وانا همي كامل عند أيمن .. قالي متفوتيش ال18 راهي لحدااش ..
__________
حبست طونوبيل عند الباب تع الفيلا .. الغنا زايد وصوت الضحك .. طليت مالتاقة حتا نشوفها الجن لحمر ضربني ..
هبطت ليها كي الثور حاب ندخل فيها ليوم ..
شافت فيا وخرت لور .. جبدتها وغلقت الباب .. فيكسيتها مع الحيط ..
أيمن : وش قتلك انا ؟
إلين ': كي تعرس بمرا وجيبلك طفلة اتحكم فيهم .. مشي فيا
أيمن : مالا متفهميش بالسياسة مريڨل ..
جبدني من يدي وانا دموعي هابطين خفتو .. خفت كشما يعملي وليت نحلل فيه ..