كرونيك: ❤صدفه _التقينا ❤

12

الحلقة 12
إلين .. بقيت نهدر معاه عطاني بضهر ومشا طلع لبيتو .. باين كان يستنى فيا يااعمري عندي لي يخاف علياا طلعت فرحانة للبيت ..
إلين : بصح مش انا لي نسمع الكلان وتكون وش تكون 😏
رحت بدلت حوايجي وتسطحت نرقد ..
كي العادة فطنت صبح علا زقزقة العصافير المزعجة .. ريڨلت اموري.. طليت من بالكون لقيتو قاعد فالجنينة حاط بيسي فوق طابلة ويشرب فالقهوة بعقلو ..!! مشي تحسوه انسان شاطر ؟
رفدت كاس قهوة ورحت وقفت عند راصو نشوف وش راه يدير ..
أيمن : صباح الخير مكاش
إلين : امم صباح نور .. انا قعدت وهو قالي : طيري جيبي الأوراق تع الملف الأول ..
منيش خدامة عند مك ..
أيمن : ريڨلي هدرتك .. ونقصي ملسانك ..
إلين شادة كاس بزوج يدين وتشرب : مااانجيبش هك تحب .. ؟
أيمن : متخليش ربي نغلط فيك ..
نوضت نجري يايما نخافو كي يهدر معايا هكا .. رحت وقفت عند الباب شويا ورجعت ليه قتلو مكاش ..
ايمن : اكي سور روحتي ؟
عملتلي براصها ايه ..
ايمن : صحا .. قام جيت هاربة شدني من شعري يكركر فيا .. داني لغرفتو فوق البيرو ..
ايمن : هااذو وشنو ؟؟ فهميني هاذو مشي ورق ؟
الين : وين شفتهم اناا ..
ايمن : خاطر مطلعتيش اصلا ..
عملتلو هك وهربت عند الباب : ايييه مطلعتش شح موت ..
هبطت نضحك عليها مالا مهبولة .. هههه والله
خدمت خدمتي وروحت طلبت بيزا .. قعدت نتفرج مع المجنونة هذيك ..
إلين : هات الكوموند
ايمن : لا ني نتفرج
إلين : التلفيزيون تاعي معنتها كوموند تااعي
ايمن : اني نتفرج قلت
راحت طفاتو مالتليفيزيون .. عاود شعلو مالكوموند
هو يطفي وهي تشعل وحد خمس دقايق هكاك مبعد خلاتو شاعل وقفت في وجهو ..
بعديي
لا
بعديي ياموصيبة
لالا اخرج
منخرجش
متقليش تقعد حياتك كاملا معايا؟
تكا يضحك عليها داري وانا حر فيها
ضحك يغزل فيها وحط رجل علا الطابلة
إلين : ايي يافرخ نحيي رجلييك ياسلوم
شاف فيها زاد رجل 2
إلين : يااامتخلف بععد رجللك ..
أيمن : ريڨلي هدرتك ..
إلين : متخلف ومتشردد او محتااال هكاا مليح
أيمن : ههه تحبي جوزي ليلة برا؟
سكتت علابالها بلي يديرها صح : ههه تعمل حاجة مليحة
أيمن : معليش بعدي برك ياقزمة خليني نتفرج
شافت في روحها : اناا قزمة ؟
راحت لمراية تشوف في روحها وهو مييت بالضحك عليها مهبولة رجعت ليه ..
إلين : نتاا المتشرد الزراافة متزيدش تقلي قزمة وبعدد من فوتاي تاعي
أيمن اسمك وين مكتوب ؟