كرونيك: ❤صدفه _التقينا ❤

42

الحلقة 42
شوية ورجعت ليها لقيتها مركزة مع اب وبنتو مدلها السندويش وقعد وهي كانت مربعة رجليها قدامو ..
إلين: شوف هاذيك البنت شحال شابة ..
ضحك عليها وقالها: نسقسيك ؟
فتحت الصاشي تجبد فالسندويش : ايه ..
أيمن: عائلتك ..
تكلمت بغصة وصوت ضعيف: وشبيهم ..
ايمن: وين راهم ؟
حطت راصها علا كتفي : ماتو في حادث مرور وخلاوني انا وخويا ..
ايمن: ربي يرحمهم وخوك وينو ؟
إلين: منعرفش ... فرقونا الأيام ..
رفد يدو يمسح علا ضهرها ويصبر فيها مبعد بعدت راصها تشوف فيه والضحكة مرسومة علا وجها ..
إلين: بورااص ..
بعد راصو حال عينيه مندهش والسندويش في فمو ..
إلين: ههههههه راك تشفا كي قتلي صوتك جوهري يكسر الزجاج ..
ايمن: ههههه ايه تفكرت ..
إلين: هههه علا أساس كنت ناسي ..
ايمن: ايه كنت ناسي ههه وصوتك يكسر الحجر مشي زجاج ..
إلين: ههههههه اكيد راك حاسدني ..
أيمن: ههههه شرفي يالالة وسمعينا ..
ضحكت مبعد سكتت وبدات تغني .. وهو غاس فيها كيفاش تحرك في شفافها حب يشدها ويغطس في شفافها مرر يدو علا شعرو حتا سكتت ..
إلين: وش رايك ؟؟
جا يهدر حتا يسمعو تصفاق وتصفار موراهم .. وناس تعيط وتأشرلها ليها باش تكمل تغني ..
هو قام وهي شدت فيه وقامت وحس بيها خايفة جبدها موراه .. اعتذر منهم مبعد راحو ..