كرونيك: ❤صدفه _التقينا ❤

58

الحلقة 58
قعدو حط يدو فوق كتافها محاوطها .. وهي حطت راصها علا كتافو والفوشار في حجرها والكوكا في يدها وهو شاد الڨوبلي تع القهوة ..
قعدو مركزين مع الفيم وهو يعشق فيها والحركات لي دير فيهم.. طلعت راصها تشوف فيه :
ازح زعما ختو تقولو علا الحقيقة ولا لا ؟
رفدلها كتافو بمعنى معلاباليش ..
رجعت راصها تتفرج حتا تلقا لقطة تع بوش آ بوش هبطت راصها تاكل فالفوشار وجها حمار حست السخانة طلعتلها .. مبعد حصلتلها بعدت عليه تكح مدلها القرعة تع الماء ميت بالضحك عليها ..
أيمن: امم شبيها روحي ..
مقدرتش تشوف فيه ولا تشوف في عينيه بقات مهبطة راصها : ايه حاجة حصلتلي ..
قرب وشوشلها : وضكا راحت ولا لا ؟
حست قلبها يضرب فالمليار ..
إلين : اه خلاص خلاص ..
كتم ضحكتو .. إلين: هايا نروحو ايمن سامط الفيلم
أيمن: لا خلي بدا يحلى الفيلم وغمزلها ..
تمنات الارض تنشق وتبلعها ..
شاف الوقت : اقعدي مزال نص ساعة ..
بلعت ريقها تخمم النص ساعة هاذي كيفاش جوز ..
شوي حس بيها تبكي ..
أيمن: شبيك تبكي ..
إلين: تفارقو. .
أيمن: ربك يتفارقو ولا يقعدو نتي علاه تبكي !
ضرباتو علا صدرو : ازح قلبك شحال حجرة شوف والله يغيضو ..
رفدت يدها تمسح في دموعها .. إلين: ايمن لوكان نروح ونخليك كيما هيا تسامحني ؟
أيمن: وش دخل هاذي في هاذي ؟
إلين: علابالي حنا مابيناتنا والو بصح نفتارضو ..
أيمن: امممم .. قعد يخمم
قاتلو بنبرة حادة : شفت نتوم الرجال معندكمش قلب. .
تبسم وشدلها خدودها : اكيد نسامحك عندي غير نتي في حياتي ..
تبسمت وعينيها لمعو : صاح ؟ 😃
أيمن: اكيد وضكا هايا علا فيلم وليتي تنوحي عليا ..
ضحكت وناضت معاه خرجو راحت تغسل وجها وهو راح رما الماكلة لي بقات فالبوبال وتكا علا الحيط يخمم لوكان راحت وخلاتو صح يقدر يسامحها ؟ مستحيل ..
رجعت ليه شدها من يدها وزير عليها تمناو النهار ميخلاصش بصح خلاص .. لحق الليل ..
إلين: هايا ميموني الليل وغدوة راك خدام ..
تبسم وراحو حبسو طاكسي وراحو وين خلاو طونوبيل ..قعدو ساكتين الصمت سيد الموقف .. تكات علا الكرسة ميتة بالعيا وتتفكر فالنهار لي حاز عينيها تعمرو دموع تمنات يكون صح اليوم ذوبها معاه كان حنين وبالو واسع وضحكتو الحلوة وتبسيمتو الزينة .. تمنات يكونو صح كوبل .. جبدت تليفون تشوف فالتصاور ..
إلين: ابعتلي تصاور ..
مدلها تليفون .. بعتتهم ..
إلين: خلاص النهار ..
زير علا الفولون محبش يحكي فالموضو